Tarixin bütün akkordlarında Azərbaycan xanımları səhnəyə çıxaraq iz qoymağı bacarıblar.Onews.az bu dəfə Azərbaycanda və dünyada ilkə imza atan qadınlarımızı sizə xatırladacaq.
O, ilk kinoaktrisa, ilk xanım neft mühəndisi və ilk xanım kimyaçı akademik idi.
İzzət Orucova həm də Azərbaycanın ikinci akademik xanımıdır.
Şərqdə ilk opera yazan qadın da azərbaycanlıdır.
Onlarla sevilən musiqi əsərinin altında məhz bəstəkar
Şəfiqə Axundovanın imzası var.
Təkcə Azərbaycanın deyil, türk dünyasının ilk xanımakademiki isə
Validə Tutayuqdur.
Eyni zamanda, Validə Tutayuq biologiya sahəsində ilk qadın elmlər doktoru, professordur.
İlk qadın təyyarəçimizi isə təkcə Azərbaycanda yox, bütün SSRİ-də tanıyırdılar.
O, Təkcə Azərbaycanın deyil, eləcə də Şərqin ilk qadın təyyarəçisi idi.
Söhbət əfsanəvi qadın təyyarəçimiz
Leyla Məmmədbəyovadan gedir.
İlk xanım hərbi təyyarəçimiz isə
Züleyxa Seyidməmmədovadır.O, II Dünya Müharibəsində hərbi təyyarəçi kimi yüksək nüfuz qazanır.
Züleyxa xanım kapitan rütbəsinə qədər yüksəlir.
Xanım Seyidməmmədova hətta bir müddət Azərbaycan SSR ictimai təminat naziri vəzifəsində də çalışır.
İlk qadın baş redaktorumuz isə
Xədicə Əlibəyovadır.
O, 1911-ci ildə çap olunan ilk qadın jurnalı “İşıq”ın təsisçisi idi.
Dövrün maarifpərvər ziyalısı Azərbaycan mətbuat tarixinə ilk xanım baş redaktor kimi düşür.
Azərbaycanın ilk xanım opera müğənnisi
Şövkət Məmmədovadır.Hacı Zeynalabdin Tağıyevin maddi dəstəyi ilə Milanda konservatoriyanı oxuyur.
Şövkət xanıma həyatının ən pis vaxtlarında Ü.Hacıbəyli kömək edir və onu ilk dəfə səhnəyə çıxarır.
Azərbaycanın balet sahəsində ilk qaranquş olan
Qəmər Almaszadə adi bir çəkməçi qızı idi.
İlk qadın nazirimiz - xarici işlər naziri olan
Tahirə Tahirova olub.
O, həm də neft sənayesi üzrə ali təhsil alan ilk azərbaycanlı qadın-mütəxəssis idi.
İki sahənin naziri olmuş ilk xanım – bu, ayrı-ayrı vaxtlarda həm xarici işlər, həm də təhsil naziri olmuş
Elmira Qafarovadır.Sona Qasımova isə ilk qadın idmançımızdır.
Türkiyənin ilk qadın hüquqşünası da azərbaycanlı
Sürəyya Ağaoğludur.Azərbaycanda ilk dəfə qadınlar arasında riyaziyyat üzrə elmlər doktoru adını almaq
Tamilla Nəsirovaya nəsib olur.
O, həm də ilk qadın riyaziyyatçı professordur.
Azərbaycanın ilk bəstəkar qadını isə
Ağabacı Rzayevadır.O, həm də bütün Şərqdə peşəkar musiqi təhsilini almış ilk qadın-bəstəkardır.
Azərbaycanın ilk qadın kinorejissoru
Qəmər Salamzadə də mədəniyyət tariximizin qızıl səhifələrinə öz adını həkk etdirib.
İlk heykəltəraş qadın - 1929-cu ildə anadan olan şuşalı qız
Münəvvər Rzayevadır.
O, Azərbaycanın ilk qadın heykəltaraşı hesab olunur.
Münəvvər xanım həm də “Ayna Sultanova” heykəlinin müəllifidir.
Rauf