Bu mağaranı adətən keçəllər ziyarət edirlər.

Uzun illər saç həsrətində olanlar bu mağaraya pir gözü ilə baxırlar.
Onun içərisinə daxil olub daşını, divarını öpürlər ki, başlarında tük bitsin.
Mağara Türkiyənin Dənizli vilayətinin Acıpayam rayonunda, Dodurqa məhəlləsində yerləşir.

Onews.az xəbər verir ki, söhbət hazırda yüzlərlə turistin başına dolandığı Kəloğlan mağarasından gedir.

Bu təbiət hadisəsi fiziki-coğrafi baxımdan Mallı dağının şərq yamacında yerləşir.
Mağara 145 kilometr uzunluğunda və 5–6 metr hündürlüyündədir.
Girişi dar olan mağaranın içərisində hava nəm və istidir.

1998-ci ildə aparılmış araşdırma zamanı 32 °C temperatur və 65% mütləq nəm qeydə alınır.
Girişə görə ən dərin yeri 5 metrdir.
Mağaranın əsas görməli xüsusiyyəti stalaqmit və stalaktitlərlə, eləcə də, təbii otaq və bölmələrlə zəngin olmasıdır.
Çıxıntılı quruluşa malik mağarada böyük bir salon yerləşir.
Mağaranın girişində kiçik yarasa koloniyası var.
Kəloğlan mağarası 1990-cı illərə qədər diqqət cəlb etməmişdi.
Sadəcə çobanların bildiyi bir mağara idi.

Dənizli valiliyinin və Dodurqalar bələdiyyəsinin müraciətindən sonra mağara 2003-cü ildə turizmə açılır.
Bu məqsədlə 3 kilometrlik asfalt yol çəkilir.
Mağarada burada tapılmış bizon kimi müxtəlif heyvanlara id sümüklər sərgilənir.
Hətta burada işıqlandırma sistemi yaradılır.
Hazırda yeraltı məkan illik 19 min turizm qəbul edir.

2021-ci ildə Ətraf Mühit, Urbanizm və İqlim Dəyişikliyi Nazirliyi tərəfindən mağaraya mühafizə statusu verilir.
Mağara astma və bronxitdən əziyyət çəkən şəxslər tərəfindən ziyarət olunur.
Rəvayətə görə astma xəstəsi olan bir çoban bu mağarada yatdıqdan sonra xəstəlikdən qurtulur.
Mağara keçəl çoban haqqında olan rəvayətə görə tanınır.

Adını da həmin rəvayətdən götürür.
Rəvayətə görə bir çoban keçəl olduğu üçün sevdiyi qızla evlənə bilmir.
Eşq həsrətindən sarsılan çoban özünü bu mağaraya məhkum edir.
Mağarada keçirdiyi vaxt ərzində çobanın saçları çıxır.
O, kəndə qayıdaraq sevdiyi qızla evlənir.
Bu səbəbdən saçı tökülən və keçəl şəxslər bu mağaranın başına dolanırlar.

Keçəllər “yeraltı pir”də şəfa tapacaqlarını düşünürlər.
Mağaranın suyunun saç dərisinə yaxşı təsir göstərdiyinə inanılır.

Turan