O, dünyanın ilk hərbi nəzəriyyəçisi sayılır.

Yazdığı “Hərb sənəti” kitabı isə dünyanın ilk hərbi nəzəriyyə toplusudur.

Onews.az xəbər verir ki, söhbət dünya hərb sənəti elminin əsasını qoyan Çin sərkərdəsi Sun Zıdan gedir.

Sun Zının eramızdan əvvəl 544 – E.ə. 496-cı illərdə yaşadığı güman edilir.
O, ilk dəfə hərbi taktika anlayışını istifadə edərək müharibə sənəti anlayışını meydana gətirir.

Onun “Hərb sənəti” əsəri 13 bölmədən ibarətdir.
Birinci Çin hökmdarı Çin Şi Huanq bu kitabın "Vuruşan krallıqlar" dövrünü bitirməkdə xüsusi rol oynadığını düşünürdü.


O, bu kitabın yazılmasından sonra Çin şahlarının birləşmiş krallıq yaratmaq haqqında düşündüklərini bildirirdi.
Sun Zı miladdan 5 min il əvvəl Çindəki Vu krallığında əsas sərkərdə sayılırdı.

O, öz bilik və bacarığı sahəsində dövrünün ən yüksək hərbi rütbəsinə yüksəlmişdi.
İdarə etdiyi heç bir döyüşü uduzmamışdı.
Ona görə də düşmənləri arasında ən böyük nüfuza və hörmətə malik idi.

Sun Zı deyirdi ki, krallar sərkərdələrin işinə qarışmamalıdırlar.
İlk dəfə orduda qələbəyə görə mükafat, yenilgiyə görə cəza tətbiq edilməsi də onun adı ilə bağlıdır. Sun Zı ilk düşmən arabasını ələ keçirən əsgərə həmin qəniməti şəxsən təqdim edirdi.

Yüzdən çox döyüşə rəhbərlik etsə də, heç bir döyüşdə yara və xəsarət almır.
Bütün döyüşlərdən minimum itkilərlə vəı maksimum qənimətlərlə geri dönürdü.

Onun “Hərb sənəti” adlı əsəri bu gün də bir çox aparıcı ölkələrin hərbi məktəblərində tədris olunur.

Turan