Bura təxminən 7 milyon il əvvəl vulkanik partlayış nəticəsində əmələ gəlir.

2000-ci ildə Dünya Səyyahlar Klubu tərəfindən “dünyanın ən gözəl nöqtəsi” ünvanına sahib çıxır.

Onews.az xəbər verir ki, söhbət əfsanəvi və gözəllikləri ilə göz oxşayan “Lord Howe” adasından gedir.

Bu əsrarəngiz ada Avstraliyada yerləşir.
Ada YUNESKO-nun dünya irsi arasında ilk sıralarda yer alır.
Sidneydən 2 saatlıq uçuş məsafəsindədir.

Adıçəkilən adaya eyni anda yalnız 400 turist qəbul edilir.
Çünki adanın mərkəzi administrasiyası daha çox turistin adanın oksigen bazasına zərər verəcəyini düşünür.
Burada ideal təbiət mənzərəsini korlamamaq üçün küçə lampasından istifadə də qadağandır.
Hətta mühərrikli nəqliyyat vasitəsi və bu cür avadanlıqlar istifadə edilmir.

Yerlilər və ada sakinləri adanı qoruyurlar.
Onlar təbii ortamın pozulmasına mane olurlar.
Adada yalnız 9 otaqlı bir otel var.

Buradakı mərcan qayalıqlarında üzə bilərsiniz.
Heç yerdə görmədiyiniz balıqları burada görmək mümkündür.

Turan