Bu qeyri-adi və təbiətlə iç-içə olan ev Uels krallığındadır.

Jasmin və Saymon Beyl əl-ələ verərək həqiqi bir Hobbit kəndi yaradırlar.

Onews.az-ın xəbərinə görə, əslində, onlar sadəcə, təbiətlə iç-içə yaşamaq istəyirdilər.

Ona görə də bir neçə ay ərzində evlərini inşa edirlər.

Lakin evi sonradan görənlər ona “Hobbit kəndi” adını veririlər.

Kənndə tikilən ilk evin memarı Jasminin atası idi.

O, kürəkəni Saymon ilə birgə evin inşasına başlayanda bu layihə ətrafdakı insanların marağına səbəb olur.

Bu istəklə digər insanlar da torpaq təpəciklərin içərisində, güllərin, çiçəklərin əhatəsində evlər yaradırlar. Kənddə dolaşdıqca insan özünü nağıllar aləmində hiss edir.

Təbii ki, insanlar yaxınlarındakı bu qeyri-adi evi ilk dəfə gülər üzlə qarşılayırlar.

Hətta, tikintidə könüllü olaraq minə yaxın adam işləyir.

Beyllərin evi hazır olduqdan sonra çoxları məhz bu cür evi olmasını arzulayır.

Beləcə, Hobbit kəndi genişləməyə başlayır. Hazırda kənddə 300-ə yaxın insan yaşayır.

Amma hər il kəndi ziyarət edənlərin sayı bu rəqəmdən 20-25 dəfə çox olur.

Eyni adlı və formalı kəndi sonralar Yeni Zelandiyalılar öz ölkələrində yaradırlar.

Banu Murad