O dəmiryol xətti üzərində olan əsrarəngiz təbiət abidəsidir.

Tunel Ukraynanın Rivne vilayətininin Klevan qəsəbəsi ərazisində yerləşir.

Onews.az xəbər verir ki, “Sevgi tuneli” adı ilə bütün dünyada məşhurdur.

Tuneldən keçən dəmiryol xətti Klevan və Orjev qəsəbələrini birləşdirir.
Meşə bitkiləri ilə əhatələnmiş bu yaşıl tunel bir botanika fenomenidir.

Uzunluğu cəmi 5 kilometrdir.
Ağaclardan və kollardan ibarət olan bu tunel arka formasını xatırladır.
Yük qatarı sutkada bu tuneldən üç dəfə keçir.

Tunelin belə şəkil almasında həm təbiətin, həm də, insanın rolu olduğu bildirilir.
Orejev ağac emalı kombinatına gedən yolun burdan keçməsi tunelin formalaşmasında böyük rol oynayır.
Meşə ərazisindən keçən bu yolda əvvəllər qatarların hərəkəti daha çox idi.

Ona görə də meşənin bu yolu əhatə etməsi mümkünsüz görünürdü.
Sonradan gediş-gəlişin azalması nəticəsində yol artıq özünə məxsus formaya düşür.
Beləliklə, “Sevgi tuneli” müasir formasını alır.

Tunel turistlərin və sevgililərin sevimli məkanıdır.
Əfsanəyə görə əgər sevgililər bu tuneldən birgə keçərək ürəklərində arzu tutarlarsa, arzuları mütləq həyata keçəcək.

Bəzi gənclər hətta tuneldə gül-çiçək əkərək hislərini simvolizə edirlər.
Tunel turistlərin və sevgililərin sevimli məkanıdır.
Yapon rejisor Akiyoşi İmazaki 2014-cü ildə “Sevgi tuneli” ilə bağlı film çəkir.
Söhbət "Klevan: Sevgi tuneli" adlı romantik dram filmindən gedir.
Filmin ilk nümayişi 23 noyabr 2014-cü ildə gerçəkləşir.
Beynəlxalq Hanoy kinofestivalında göstərilən bu filmin süjet xətti birbaşa Sevgi tuneli ilə bağlıdır.