Onews.az şair Tural Turanın "Bir noyabr tablosu" şeirini təqdim edir:

***
Bir noyabr tablosu

(bütün tənhalıqlara)

Hardasa
gözlərini itirmiş işıq
unudulmuş bir qadın bədəninə toxunur
noyabrın qanı laxtalanan gecə...

Ardınca
öz istisinə vurulur
unudulmuş bir qoxu.

Haradasa
boynubükük bir kölgə
dodağından alışır...

Hansısa çarpayıda
andını pozur bir yuxu...

Elə həmin an
kilsə pəncərəsindən öpüb
məscid divarında yuva quran gülləyə
məktub yazır
unudulmuş qadın baxışları:

- Gəl, gəl,
gəl bir də öp
çarpayımın soyuq tərəfini...

Tural Turan

Onews.az