Rusiya hökuməti iyunun 30-dək qüvvədə olacaq benzinin ixracına qoyulan məhdudiyyətlərin müvəqqəti ləğvi barədə qərarı təsdiqləyib.

Onews.az xəbər verir ki, bu barədə Nazirlər Kabinetinin saytında dərc olunan qərarda deyilir.

Qərara əsasən, məhdudiyyətlər iyulun 1-dən yenidən qüvvəyə minəcək və avqustun 31-dək qüvvədə olacaq.

Qeyd edək ki, federal hökumət yaz və yay aylarında tələbatın artımını bərabərləşdirmək üçün martın 1-dən avqustun 31-dək benzinin ixracını altı ay müddətinə qadağan edib. Rusiyada benzinə tələbat yay tətili və tarla işləri mövsümündə, eləcə də kompensasiya edilməli olan neftayırma zavodlarında planlaşdırılan təmir zamanı artır.

Məhdudiyyət Avrasiya İqtisadi İttifaqı ölkələrinə, həmçinin Monqolustan, Özbəkistan və Gürcüstanın işğal olunmuş rayonları, “Cənubi Osetiya” və Abxaziyaya şamil edilmir.

Rauf Süleymanov