"Gürcüstanda baş verən hadisələr bölgədə növbəti "narıncı inqilablar"ın anonsudur. Qərb Gürcüstan üzərindən Rusiyaya qarşı "ikinci cəbhə"ni açmağa çalışır. ABŞ və Avropa Rusiyanı Güney Qafqazdan çıxarmaq üçün bütün imkanlarını səfərbər edib".Bunu
Onews.az-a açıqlamasında siyasi şərhçi
Tural Turan deyib.
Ekspertin fikrincə, qonşu Gürcüstanda "siyasi agentlər haqqında qanun"a qarşı etirazlar Qərbin və Rusiyanın maraq toqquşması fonunda baş verir:
"Gürcüstan prezidenti Qərb meyilli siyasəti ilə önə çıxır. Ancaq parlament və baş nazir institutu fərqli istiqamət götürməkdə maraqlıdır. Bu baxımdan, Gürcüstanı çox ağır və çətin sınaq gözləyir. Qonşu ölkə 15 il əvvəl baş verən hadisələrdən dərs çıxarmalıdır. Növbəti torpaq itkisi ilə üzləşməmək üçün balanslı siyasət yürütməlidir. Ortada sınaqlardan üzü ağ çıxan Azərbaycan nümunəsi var. Balanslı siyasət bizi ərazi bütövlüyümüzə qovuşdurdu. Saysız-hesabsız uğurlara götürdü. Qərb isə Gürcüstanda növbəti "narıncı" fəlakət hazırlayır. Şimali-Qərb qonşumuz belə bir fəlakətə yuvarlanmamalıdır. Bunun üçün Tbilisi Qərblə məsafəli münasibətə üstünlük verməlidir. Əks halda, Gürcüstan İraqın və Suriyanın gününə düşə bilər".
Fuad Süleyman