Türkiyənin “Cümhuriyyət” qəzetinin yazarı Zeynəb Oral “O sehirli insanlar” adlı kitab yayımlayır.
Kitabda müsahibə aldığı dünyaca məşhur sənət adamları haqda ən yaddaqalan xatirələri yer alır.
Oral “O sehrli insanlar” adlı kitabını 40 ilə yazdığını söyləyir.
Onews.az Zeynəb Oralın Salvador Dali haqqında xatirələrini təqdim edir:
Zeynəb Oral dünyaca ünlü rəssam Salvador Dali ilə müsahibəsinin tarixçəsinə də yer ayırır.
SİTAT: “Salvador Dali ilə bağlı həqiqətən də gülünc bir xatirəm var”.Jurnslist bildirir ki, Parisdə tələbəliyimin son illəri imiş.
Bir fransız jurnalistlə kafedə nahar edirmiş.
Birdən qapı açılır və Salvador Dali yanında bir neçə xanımla içəri daxil olur.
Bu zaman Oralla fransız həmkarı yeməklərini bitirib kafedən çıxmağa hazırlaşırmış.
Oralın qarşısındakı jurnalist “Nə istərdiniz?”- deyə Oraldan soruşur.
“Həyatda tək istədiyim Dalidən müsahibə almaqdır”, - deyə cavab verir.
Onlar qəhvələrini içərkən Oralın fransız həmkarı ofisiantı çağırır.
Fransız jurnalist ofisiantda nəsə deyir və xidmətçi də Dalinin stoluna tərəf gedir.
Bir az vaxt keçdikdən sonra Dali ayağa qalxır və Zeynəb oralın yanına gəlir.
SİTAT: “Buyurun əmrinizdəyəm. Mənimdən müsahibə almaq istəmisiniz”…
19 yaşlı türk journalist Dalinin bu hərəkətinə çox heyrətlənir və özünü itirir.
SİTAT: “…Özümü itirdim, əlim ayağım əsdi”.
Salvador Dali Oralın bu halını görür və təmkinlə dillənir.
SİTAT: “Yaxşı. Sabah otelə gəlin danışaq”.
Zeynəb xanım kafedən çıxır, bu zaman yadına düşür ki, sabah Londona getməlidir.
Üstəlik, bir həftə əvvəldən bilet aldığını xatırlayır.
Çox götür-qoydan sonra Zeynəb Oral kafeyə zəng vurur və Dalini istəyir.
SİTAT: “Çox vacib işim çıxdı. Sabah Londona getməliyəm. Bu gün gəlsəm olar?”.
Məşhur rəssam isə “yaxşı, saat 4-də gəlin”, - deyir.
Zeynəb Oral dediyi vaxtda otelə gedir.
Gənc journalist yuxarı çıxır, qapını döyür və qapı açılır.
SİTAT: “Qapını açanda Salvador Dali anadangəlmə lüt idi”.
O, dahi bir rəssam, qarşısındakı isə 19 yaşlı xanım idi.
Dalini bu halda görən Oral geriyə, koridora doğru qaçmağa başlayır.
Dali qızın qaçdığını görüb “müsahibə almaq istəmirdiniz?”, - deyə arxasından səslənir.
Zeynəb Oral “istəmirəm”, -deyir.
Dali “niyə fikrinizdən döndünüz?”- deyə, qışqırır…
“Çünki çılpaqsınız”, -deyərək 19 yaşlı jurnalist cavab verir.
Salvador Dali isə “Aaa! Üzr istəyirəm, geyinməyi unutmuşam”, - deyə dillənir.
Daha sonra Dali içəri keçir və geyinməyə başlayır.
SİTAT: “Sonra yenə qapını açdı, oturduq, müsahibəni aldım”…
Sonrakı müsahibələrində jurnalist bu hadisəni həyatının ən unudulmaz anları hesab etdiyini dilə gətirir...
Turan