Onun atası da, özü də, oğlu da generaldır.

8 il Azərbaycan SSR daxili işlər nazirinin müavini vəzifəsində çalışır.
Kiyevdə doğulsa da, təhsilini Bakıda alır, elə paytaxtımızda da düynasını dəyişir.

Prezident səlahiyyətlərini icra edən İsa Qəmbərin əmri ilə yüksək vəzifədən azad olunur.
Atası 2 dəfə Sovet İttifaqı Qəhrəmanı Həzi Aslanovdur.
Babasının adını daşıyan oğlu da general kimi hüquq-mühafizə orqanlarında çalışır.

Onews.az-ın araşdırmasına görə, söhbət azərbaycanlı general Tofiq Aslanovdan gedir.

Tofiq Aslanov 1934-cü il dekabrın 10-da Ukraynanın Jitomir vilayətinin Ovruç şəhərində doğulur.
1952-ci ildə S. M. Kirov adına Azərbaycan Dövlət Universitetinin hüquq fakültəsinə daxil olur.
1957-ci ilin avqustundan 1988-ci ilə kimi Azərbaycanın daxili işlər orqanlarında müxtəlif vəzifələrdə xidmət edir.
16 il Almatı şəhərinin Nərimanov, Nəsimi, Leninski rayon daxili işlər orqanlarında əməliyyatçı işləyir.
Orada müstəntiq, böyük müstəntiq, istintaq şöbəsinin rəisi vəzifələrində də çalışır.

Sonra Bakı Şəhər İcraiyyə Komitəsində fəaliyyət göstərir.

Ardınca Daxili İşlər Nazirliyinin istintaq idarəsinin rəis müavini vəzifələrində çalışır.
29 mart 1973-cü ildən 16 iyun 1980-ci ilədək Azərbaycan SSR Daxili İşlər Nazirliyinin istintaq idarəsinin rəisi işləyir.
16 iyun 1980-ci ildən 24 iyun 1988-ci ilə kimi isə daxili işlər nazirin müavini və birinci müavini vəzifələrində fəaliyyət göstərir.
SSRİ Daxili İşlər Nazirliyinin 3 noyabr 1982-ci il tarixli, 436 nömrəli əmri ilə Tofiq Aslanova milis general-mayoru rütbəsi verilir.
SSRİ Daxili İşlər Nazirliyinin əmri ilə Aslanov müəyyən edilmiş forma geyinmək hüququ ilə təqaüdə göndərilir.

Xidmət stajı 15 avqust 1988-ci il tarixində təqvim baxımından 31 ildir.
Azərbaycan SSR Prezidenti Administrasiyası rəhbərinin 30 oktyabr 1990-cı il tarixli 7 nömrəli sərəncamı ilə Azərbaycan SSR Prezidenti Administrasiyası rəhbərinin müşaviri təyin edilir.

Azərbaycan SSR Prezidentinin 18.01.1991-ci il tarixli 15 nömrəli Fərmanı ilə Azərbaycan SSR Prezidenti Aparatının Vətəndaşlıq və əfv məsələləri şöbəsinin müdiri vəzifəsinə təyin olunur.

Azərbaycan Respublikası Prezidentinin səlahiyyətlərini icra edən, Azərbaycan Respublikası Ali Sovetinin Sədri İsa Qəmbərin 26.05.1992-ci il tarixli 277 nömrəli Fərmanı ilə tutduğu vəzifədən kənarlaşdırılır.

İşlədiyi müddətdə Aslanov dövlət mükafatlarına və mükafatlarına layiq görülür.
O, Azərbaycan SSR Ali Sovetinin diplomu, SSRİ Daxili İşlər Nazirliyinin fəxri fərmanını alır.
"Qüsursuz xidmətə görə" medalına sahib çıxır.

"Sovet polisinin 50 illiyi" medalını yaxasından asır.
Qırmızı Əmək Bayraqları ordeni ilə təltif olunur.

General Tofiq Aslanov 25 sentyabr 2003-cü ildə vəfat edir.

Turan