Azərbaycanın yunan-Roma güləşçisi Qurban Qurbanov (82 kq) Bakıda keçirilən U-23 Avropa çempionatının qızıl medalını qazanıb.

Onews.az xəbər verir ki, idmançımız finalda İslam Əliyevə (AİN) qalib gəlib.

Məlumat üçün bildirək ki, bu gün digər təmsilçilərimiz Nihad Quluzadə (72) gümüş, Ruslan Nurullayev (72 kq) isə bürünc medal qazanıb.

Qeyd edək ki, Azərbaycanın daha bir yunan-Roma güləşçisi Murad Əhmədiyev (97 kq) Bakıda keçirilən U-23 Avropa çempionatının bürünc medalını qazanıb.

İdmançımız bürünc mükafat uğrunda mübarizədə Aapo Viitaladan (Finlandiya) güclü olub.

Ümumilikdə isə Azərbaycanın yunan-Roma güləşçiləri U-23 Avropa çempionatını üç qızıl, bir gümüş və dörd bürünc medalla başa vurublar.

Fuad