Ukrayna hökuməti yanvarın 1-i səhər saatlarında Rusiya qazının Avropa İttifaqına tranzitinin dayandırıldığını rəsmən elan edib.

Onews.az xəbər verir ki, bu barədə Ukraynanın Energetika Nazirliyi məlumat yayıb.

Bildirilir ki, milli təhlükəsizlik maraqları baxımından səhər saat 07:00-da Rusiya təbii qazının Ukrayna ərazisinə nəqli dayandırılıb. Ukrayna bu barədə öz xarici tərəfdaşlarını müəyyən edilmiş qaydada məlumatlandırıb.

Bundan əlavə, Ukraynanın energetika naziri German Qaluşenkonun sözlərinə görə, Rusiya qazının tranziti tarixi hadisədir:

“Biz Rusiya qazının tranzitini dayandırdıq, bu, tarixi hadisədir. Rusiya bazarları itirir, maliyyə itkiləri olacaq. Avropa artıq Rusiya qazından imtina barədə qərar qəbul edib", - deyə nazir qeyd bildirib.

Qeyd edək ki, Rusiya qazının Ukrayna ərazisindən tranziti ilə bağlı müqavilənin vaxtı yanvarın 1-də başa çatıb. Ukrayna bu müqavilənin vaxtını uzatmaqdan imtina edib.

Elgiz