İran hökuməti həbsdə olan güneyli vəkillər və hüquq müdafiəçilərinə qarşı təzyiqləri artırıb.

Onews.az xəbər verir ki, Ərak zindanından bədnam Evin həbsxanasına sürgün edilən güneyli vəkil Məhəmməd Nəcəfi ailəsi ilə görüşdükdən sonra insult əlaməti ilə əlləri qandallı və ciddi təhlükəsizlik tədbirləri ilə xəstəxanaya aparılıb.

Bu barədə Almaniyada yaşayan güneyli hüquqşünas Sina Yusifi bu gün öz “X” hesabında paylaşım edib.

Sina Yusifi həbsdə saxlanılan güneyli vəkil və hüquq müdafiəçilərinin ağır vəziyyətinə toxunaraq yazıb:

“Boyun fəqərələrinin zədələnməsinə, müalicə və tibbi yardıma ehtiyac olmasına baxmayaraq, vəkil Tahir Nəqəvi həbsxana paltarı geyinib qandal taxmaqdan imtina etdiyi üçün müalicədən məhrum edilir. Məhəmmədrza Fəqihiyə isə Tehranın Apellyasiya Məhkəməsinin qərarı ilə 5 il həbs cəzası verilib”.

Turan