Tbilisi Apellyasiya Məhkəməsi birinci instansiya məhkəmələrinin oktyabrın 26-da keçirilən parlament seçkilərində seçicilərin səslərinin məxfiliyinin pozulduğunu nəzərdə tutan qərarlarını təmin etməyib.

Onews.az xəbər verir ki, Apellyasiya Məhkəməsi xüsusilə Tetritskaro məhkəməsinin səsvermə məxfiliyinin pozulmasını nəzərdə tutan qərarını ləğv edib.

Qeyd edək ki, iclasda üç qeyri-hökumət təşkilatının - “Ədalətli Seçkilər”, Gənc Hüquqşunaslar Assosiasiyası və "Beynəlxalq şəffaflıq - Gürcüstan"ın şikayətlərinə də baxılıb.

Tbilisi Apellyasiya Məhkəməsi qeyri-hökumət təşkilatlarının elektron seçkilərin nəticələrinin ləğvi ilə bağlı iddialarını rədd edib.

Məlumat üçün bildirək ki, Tetritskaro məhkəməsi səsvermə məxfiliyinin pozulduğunu təsdiqləyərək, Gürcüstanın Gənc Hüquqşünaslar Assosiasiyasının (SAIA) iddiasını təmin etmişdi.

Turan