Bura Vatikandan sonra dünyanın ən “cırtdan ölkəsi”dir. Bu məmləkətin adı gələndə ilk olaraq yada qumar və qumarbazlar düşür.

Dövləti prezident yox, knyaz idarə edir. Dünyanın ikinci ən bahalı məmləkətidir. Şimaldan, şərqdən və qərbdən Fransa ilə həmsərhəddir.

Onews.az-ın əməkdaşının araşdırmasına görə, söhbət yaşayış səviyyəsinə görə dünya ikincisi olan Monako Knyazlığından gedir.

Monako uzunömürlülər diyarı hesab edilir. Burada orta ömür 85,8 ildir. Monako adı Münhen şəhərinin italyanca deyilmə şəklidir.

Paytaxtı Monako-Vill, ən böyük rayonu Monte-Karlodur. Ölkənin ümumi sahəsi 2.02 kvadrat kilometrdir. Yəni, bu ölkə ərazisinə görə, Kəlbəcər rayonundan da balacadır.

Monako dünyanın ən sıx ölkəsidir. Hər 1 kvadrat kilometrə 15 500 nəfər düşür. Monako dünyada ən kiçik fransızdilli ərazi, həm də şəhər dövləti sayılır.

Ölkənin cəmi 60 nəfərlik ordusu var. Monte Karlonun orkestrinin üzvlərinin sayı ordusundakı əsgərlərin sayından çoxdur. Burada mənzillər də olduqca bahalıdır.

90 kvadrat metrlik mənzilin qiyməti 1 milyon dollardan başlayır. Burada hər il müxtəlif sərgilər, solo və filarmonik konsertlər keçirilir.

Dünyanın müxtəlif yerlərindən gəlmiş məşhur opera müğənniləri və balet truppaları çıxış edirlər. Monte-Karlonun Knyaz sarayı çoxəsrlik adət-ənənənin mühafizəkarıdır.
Saray 1215-ci ildə Genuya qalasının yerində tikilib. Monte-Karlo burada keçirilən idman hadisələri ilə də tanınır.

Məşhur Formula 1 Qran-Pri yarışlarının vətənidir. Tennis üzrə bütün dünyada məşhur "Open" turniri də burada baş tutur. Aktiv istirahət həvəskarları su xizəyi və motosikl, yelkən qayıqları və vindserfinq ilə də məşğul ola bilərlər.

Məşhur “Kantri-Klub” tennis kortları da buradadır. Dəniz səviyyəsindən 1.890 m hündürlükdə yerləşən qolf meydançası ilin fəslindən asılı olmayaraq hamı üçün açıqdır.

Turan