Bu məmləkət ləzzətli şərablar və heyrətamiz mənzərələr ölkəsidir.

Bəzi yerlərdə ümumi sovet keçmişi hələ də burada güclü hiss olunur.
Amma SSRİ dağılandan bəri bu ölkə böyük iqtisadi çətinliklər burulğanında qıvrılmaqdadır.
Bazar iqtisadiyyatına keçid ağır və ağrılı təlatümlərlə müşahidə edildi.

Onews.az-ın araşdırmasına görə, söhbət Avropanın ən kasıb ölkəsi sayılan Moldovadan gedir.

Moldovanın əhalisi 2,5 milyon nəfərdir.
Bu ölkənin hər dördüncü sakini şərab istehsalı prosesində birbaşa və ya dolayısı ilə iştirak edir.
Moldova şərab zavodu “Milesti Michi” milyon yarımdan çox şüşədən ibarət dünyanın ən böyük şərab kolleksiyasına malikdir.
Xarici turistlər arasında populyarlıq baxımından Moldova bütün Avropa ölkələri arasında sonuncu yerdədir.

Statistikaya inansaq, Albaniyaya hər il buradan daha çox insan gəlir.
Ölkənin adı Moldova çayının adından götürülüb.
Amma qonşu Rumıniyadan axan bu çay, ümumiyyətlə, Moldova ərazisinə daxil olmur.
Ölkə ərazisinin təxminən 12%-i tanınmamış dövlətin – Pridnestroviya Moldova Respublikasının nəzarətindədir.

Bu münaqişə 1990-cı ildən bu yana davam edir.
Moldova da daxil olmaqla dünyanın yalnız üç ölkəsində dövlət bayrağının üz və arxa tərəfləri bir-birindən fərqlidir.
Digər ikisi Səudiyyə Ərəbistanı və Latın Amerikası Paraqvayıdır.
Azərbaycan Bayrağındakı səkkiz guşəli ulduz Moldova bayrağında da var.

Bəzi araşdırmaçılar onların soy kökünün qədim hunlara dayandığını iddia edir.
Hun yürüşlərinin yadigarı sayılan Atanarix sədləri də Moldova ərazisindədir.
Hətta bu ölkə Qaqauz Yeri türk dövlətini də öz qanadları altına alır.
Qaqauz qardaşlarımız burada öz müqəddəratlarını təyin etməyi bacarıblar.
Qaqauz Yerinin paytaxtı Komrat şəhəridir.

Moldova torpağı məhsuldarlığına görə dünyada ilk yerlərdən birini tutur.
Demək olar ki, bütün moldovalıla ən azı bir xarici dil bilmək məcburiyyətindədir.
Ölkənin işsizlik səviyyəsi bu məcburiyyəti daha da labüdləşdirir.
Ölkə əhalisinin əksəriyyəti rus dilində danışır.

Maraqlı faktlardan biri də odur ki, Moldovanın Soroca şəhəri qaraçıların qeyri-rəsmi paytaxtıdır.
Moldovanın qədim zamanlardan bəri simvollarından biri bizon idi.
Dünyada ən hündür kəndi evi də məhz buradadır.
Onun hündürlüyü 28 metrdir.

Məşhur ev şüşə butulka formasında tikilib.
Moldova qoz istehsalına görə dünyada yeddinci yerdədir.
Maraqlı faktlardan biri də odur ki, sovet dövründə astronavtlar üçün yemək məhz burada istehsal olunurdu.

Moldovanın bütün ərazisinin təxminən dörddə birini üzüm bağları tutur.
Ölkənin rəsmi baş şəhəri sayılan Kişinov Avropanın ən yaşıl paytaxtlarından biridir.
Moldova kəndlərində qonağın qarşılandığı ilk şey şərabdır.
Bundan imtina etmək qonağa hörmətsizlik sayılır.

Moldovalılar təkcə öz dövlətlərinin yox, həm də Rumıniya pasportuna malikdir.
Monako kimi cırtdan dövlətləri nəzərə almasanız burada əhalinin sıxlığı Avropa ölkələri arasında ən yüksəkdir.
Onu da qeyd edək ki, 2009-2012-ci illərdə Moldovada prezident olmayıb.
Daxili siyasətdəki gərginlik nəticəsində ölkə 3 il başsız qalıb.

Tural Turan