Gürcüstanın paytaxtı Tbilisidə xüsusi təyinatlı qüvvələr tərəfindən Rustaveli prospektindən uzaqlaşdırılan etiraz aksiyasının iştirakçıları Tbilisi Dövlət Universitetinin binasının yaxınlığındakı Çavçavadze prospektinə gedərək nəqliyyatın hərəkətini dayandırıblar.

Onews.az xəbər verir ki, etirazçılar “Gürcü arzusu”nun qərarına etiraz edirlər. Eyni zamanda aksiyada saxlanılan vətəndaşlarla həmrəy olduqlarını bildirirlər.

Təhlükəsizlik qüvvələrinin əməkdaşları yüzlərlə aksiyaçını parlamentin yerləşdiyi prospektdən kənarlaşdırıb. Ancaq etirazçılar həmişəkindən fərqli olaraq səhər qovulduqdan sonra evlərinə dağılmayıblar, əksinə, Melikişvili prospekti ilə daha da irəliləyiblər və universitet binasının yaxınlığında kəsişmədə yerləşiblər.

Polis etirazçıları təqib etməyib. Aksiya iştirakçıları yolun hərəkət hissəsində yerləşirlər.

Çavçavadze prospektində baş tutan aksiyaya baykerlər də qatılıblar.

Qeyd edək ki, aksiya iştirakçılarının bu gün axşam yenidən parlament binası önünə toplaşacağı gözlənilir.

Elgiz