Qonşu Gürcüstanın paytaxtı Tbilisidə müxtəlif özəl və dövlət universitetlərinin tələbələri, həmçinin ictimai fəallar "Xarici təsirin şəffaflığı haqqında" qanun layihəsinə etiraz aksiyasını davam etdirirlər.

Onews.az xəbər verir ki, parlament binasının qarşısına toplaşmış nümayişçilər hakim "Gürcü Arzusu" partiyasının parlamentdə qəbul etdiyi "Xarici təsirin şəffaflığı haqqında" qanun layihəsinə etiraz edirlər.

Aksiya iştirakçıları parlamentin qarşısındakı Rustaveli prospektini avtomobillərin hərəkəti üçün bloklayıblar.

Nümayişçilərin əllərində “Rusiya qanunlarına yox”, “Rusiyaya yox, Avropaya hə” "Yaşasın Gürcüstan" yazılmış plakatlar tutublar.

Qeyd edək ki, çox sayda hüquq-mühafizə orqanlarının əməkdaşları parlamentin ətrafına səfərbər olunub.

Elgiz