Ölkə Prezidenti Salome Zurabişvili hakim “Gürcü Arzusu” partiyasının paytaxt Tbilisidə keçirəcəyi genişmiqyaslı mitinqini tənqid edib.

Onews.az xəbər verir ki, Prezident Zurabişvili “X” platformasındakı paylaşımında "dövlət qulluqçularının avtobuslara doldurularaq hakim partiyanın qərarlarını alqışlamaq üçün Tbilisiyə gətirildiyini" qeyd edib.

Prezident paylaşımında qeyd edib: “Dünən “Rusiya qanunu”na qarşı və Gürcüstanın Avropa gələcəyinə kütləvi etirazların 15-ci günü idi.

Bu gün “Putin tipli” aksiya: hakim partiyanın qərarlarını dəstəkləmək üçün dövlət qulluqçularını Tbilisiyə “avtobusla” aparırlar.

Əsl Gürcüstan azad Gürcüstandır! Bu isə Avropa Gürcüstanıdır!”.

Qeyd edək ki, hakim “Gürcü Arzusu” partiyası bu gün saat 20:00-da Tbilisidə parlament binası qarşısında 100 mindən çox vətəndaşın iştirakı ilə mitinq keçirib.

Elgiz