Bu gün Gürcüstan parlamentinin spikeri Şalva Papuaşvili qalmaqallı “Xarici təsirin şəffaflığı haqqında” qanun layihəsini imzalayıb.

Onews.az xəbər verir ki, qanun imzalandıqdan dərhal sonra qüvvəyə minəcək.

Xatırladaq ki, mayın 14-də Gürcüstan parlamenti “Xarici təsirin şəffaflığı haqqında” Qanunu üçüncü oxunuşda qəbul edib. Sözügedən qanun xaricdən maliyyələşən qeyri-hökumət təşkilatlarının və KİV-lərin xüsusi reyestrdə qeydiyyata alınmasını və illik bəyannamələrin doldurulmasını nəzərdə tutur.

Qanun layihəsinin parlamentdə müzakirəyə çıxarılması ölkədə kütləvi etiraz aksiyalarına və etirazçılarla polis arasında qarşıdurmalara səbəb olub. Gürcüstan Prezidenti Salome Zurabişvili bu qanuna veto qoyub.

Mayın 28-də isə Gürcüstan parlamenti Zurabişvilinin qanuna veto qoymasını səs çoxluğu ilə ləğv edib. Papuaşvili ötən həftə bu qanunu ölkə Prezidentinin əvəzinə özünün imzalayacağını açıqlamışdı.

Fuad