Gürcüstan parlamenti ölkə prezidenti Salome Zurabişvilinin ölkənin Vergi Məcəlləsinə dəyişikliyə qoyduğu vetosunu ləğv edib.

Onews.az xəbər verir ki, parlament xanım prezidentin təklif etdiyi qanun layihəsini 1 lehinə, 64 əleyhinə olmaqla rədd edib. Qanunun ilkin versiyası 83 lehinə, 1 əleyhinə olmaqla qəbul edilib.

Prezident Salome Zurabişvili qanun layihəsi ilə ölkənin Vergi Məcəlləsinə düzəlişləri “qəbuledilməz” adlandırıb. O, qanun layihəsinin yerli və xarici investorların sərmayələrinə münasibətdə qeyri-bərabər və ayrı-seçkilik yaratdığını, Gürcüstanın beynəlxalq investisiya məkanında reputasiyasını zədələyəcəyini və çirkli pulların yuyulması ilə bağlı qanunlardan yayınmaq riski yaradacağını bildirib.

Qeyd edək ki, qanun layihəsi ofşor şirkətlərdən Gürcüstana pul köçürmələrinin vergidən azad edilməsini nəzərdə tutur. Həmin əməliyyatlar gəlir, mənfəət və əmlak vergilərindən azad olunacaqlar. Həmçinin aviasiya vasitələri, avtomobillər, maşınlar idxal rüsumlarından azad ediləcək və 2030-cu ilədək əmlak vergisi ödəməyəcəklər.

Elgiz