Qonşu Gürcüstanın parlamenti Prezident Salome Zurabişvilinin “ofşor qanunu”na qoyduğu vetosunun ləğvini müzakirə edir.

Oneww.az xəbər verir ki, hakim “Gürcü Arzusu” partiyasından olan deputatlar Maliyyə və Büdcə komitəsinin dəstəkləməsindən sonra vetonun götürülməsinin müzakirəsinə başlayıb.

Gürcüstan Prezidenti Salome Zurabişvili qanun layihəsi ilə ölkənin Vergi Məcəlləsinə düzəlişləri “qəbuledilməz” adlandırıb. O, qanun layihəsinin yerli və xarici investorların sərmayələrinə münasibətdə qeyri-bərabər və ayrı-seçkilik yaratdığını, Gürcüstanın beynəlxalq investisiya məkanında reputasiyasını zədələyəcəyini və çirkli pulların yuyulması ilə bağlı qanunlardan yayınmaq riski yaradacağını bildirib.

Qeyd edək ki, qanun layihəsi ofşor şirkətlərdən Gürcüstana pul köçürmələrinin vergidən azad edilməsini nəzərdə tutur. Həmin əməliyyatlar gəlir, mənfəət və əmlak vergilərindən azad olunacaqlar.

Rauf