Amerika SEPAH, Hizbullah və Husi yaraqlıları ilə əməkdaşlıq edən fərd və şirkətləri sanksiya blokuna salıb.

Onews.az xəbər verir ki, ABŞ Maliyyə Nazirliyinin Xarici Aktivlərə Nəzarət Ofisi (OFAC) SEPAH, Hizbullah və İran rejiminin dəstəklədiyi Husi yaraqlılarına yardım etdikləri üçün müxtəlif ölkələrdə 4 şəxs və 4 şirkətə sanksiya tətbiq edib.

ABŞ Maliyyə Nazirinin Terrorizm və Maliyyə Kəşfiyyatı üzrə müavini Brayan Nelson bununla bağlı ABŞ hökumətinin “Husilərin ticarət gəmilərinə və hərbi gəmilərə qarşı hücumlar həyata keçirmə qabiliyyətini zəiflətmək" üçün səfərbər olduğunu dilə gətirib.

Sanksiyaya məruz qalanlardan biri OFAC-in fəaliyyəti ilə İrandakı Sepehr Energy Cahannoma Pars şirkətini dəstəklədiyinə inandığı “La Pearl” gəmisinin kapitanı Sandeep Singh Chaudharydir.

Rauf

#SEPAH #sanksiya #Amerika