Bura Qərbi Avropanın əsas beyin və iş mərkəzidir.

Ticarət və kənd təsərrüfatı sektorlarında hər il inqilabi yeniliklərə imza atır.

Dünyanın ən inkişaf etmiş ölkələrindən sayılır.
Cəmi 12 milyon əhalisi var.

Kişilər 70, qadınlar isə 90 yaşa qədər yaşayır.
Ölkə əhalisinin 35 faizi ateistdir.
Avropanın ən böyük ateist ölkəsi sayılır.

Onews.az-ın araşdırmasına görə, söhbət lüks və hüzurlu həyat tərzlərinin məmləkəti sayılan Belçikadan gedir.

Dövlətin adı bura ilk köç edən belgeyaların adından götürülüb.
Belçika Avropa Birliyinin qurucu ölkələrindən sayılır.

Eyni zamanda, NATO-nun da qurucu və aparıcı üzvlərindəndir.
Brüssel bir sıra beynəlxalq təşkilatların mənzil qərargahının yerləşdiyi şəhərdir.
Həm də krallığın paytaxtıdır.

Amma Belçikda həyat olduqca bahalıdır.
Hətta siz adi bir müalicə proseduru üçün aylıq maaşınızı xəstəxanada qoyub gələ bilərsiniz.

Ambulans xidməti də krallıqda pullu fəaliyyət göstərir.
Bir dişin müalicəsi 200 avrodan başlayır.

Həkimlərin bu ölkədəki illik gəlirləri təxminən 150 min dollardan çoxdur.
Yəni, pulun yoxdursa, Belçika sənin yaşaya biləcəyin məmləkət deyil.

Belçikalılar gəlir vergilərinin faiz nisbətinə görə də öndədirlər.
İş adamları 30 faizdən 50 faizə qədər vergi ödəməli olurlar.

Əgər aylıq gəliriniz 40 min avrodursa, bunun 50 faizini dövlət vergi tutur.

Fəhlələr də aylıq gəlirlərinin 15 faizini dövlətə geri qaytarmaq məcburiyyətindədirlər.
Burada ən çox axtarılan iş isə TIR sürücülüyüdür.

Bu peşənin 1 saatının qiyməti 20 avrodan başlayır.
Minimum əməkhaqqı 1650 avro olsa da, siz bu pulun yalnız 1215 avroluq hissəsini əlinizə alacaqsınız.
Paytaxt Brüsseldə kirayə evlərin qiyməti 1000 avrodur.

Paytaxtdan kənardakı kirayə evlər isə 700-1000 avro aralığında dəyişir.
Sürücülərin tələsərkən siqnal vermək kimi bir alışqanlığı yoxdur.
Ölkənin hər yerində veloyollar var.

İnsanlar avtomobillərdən daha çox velosipedlərə üstünlük verirlər.

Tural Turan