"Donald Trampın prezident səlahiyyətlərinin icrasına başlamasından sonra İrana qarşı sanksiyaların şiddəti daha da artırılacaq. Sanksiyaların radiusu və əhatə dairəsi daha da genişləndiriləcək. Bu sərtləşdirmə İranla iqtisadi əlaqələrini dondurmaq istəməyən Çin və Rusiyaya da öz təsirlərini göstərəcək".

Bunu Onews.az-a açıqlamasında keçmiş deputat, siyasi şərhçi Sona Əliyeva deyib.

Ekspertin sözlərinə görə, İranı neytrallaşdırmaq və güneyimizdəki molla rejimini daha demokratik hakimiyyətlə əvəz etmək üçün ABŞ qollarını çirmələyəcək:

"Tramp hakimiyyətinin İrana qarşı daha radikal qərarlar alacağı da istisna deyil. Amma bunun indi yox, bir müddətdən sonra sonra baş verməsi ehtimalı daha ağılabatandır. Birləşmiş Ştatların yeni prezidenti İranla əməkdaşlığa görə Çinlə Rusiyanı cəzalandırmaqla bir daşa üç "quş" vurmaq istəyir. İstənilən halda, Suriyadakı və Yəməndəki vəziyyət Qərbin istədiyi məcraya yönəlmədikcə Tramp administrasiyası İranla müharibə planını masanın masanın altında saxlamağa davam edəcək".

Rauf Süleymanov