2024-cü ildə Azərbaycana gətirilən ekoloji təmiz minik avtomobillərinin sayı rekord həddə çatıb.

Onews.az xəbər verir ki, bu barədə Media Təhlil Mərkəzi (MTM) məlumat yayıb.

Bildirilib ki, Mərkəzin Dövlət Gömrük və Dövlət Statistika komitələrinin açıqladığı rəsmi rəqəmlər əsasında apardığı təhlil göstərir ki, son 5 ildə Azərbaycana 374 148 ədəd minik avtomobili idxal olunub. Bu müddət ərzində ən az minik avtomobili idxalı 2020-ci ildə (49 692 ədəd) qeydə alınıb və bu, pandemiyaya görə xarici ticarət əlaqələrində yaranan fasilələr ilə bağlı olub.

Son 5 ilin ən yüksək göstəricisi 2023-cü ildə qeydə alınıb və həmin il ölkəyə 88 151 minik avtomobili idxal olunub. 2024-cü ildə isə Azərbaycana idxal olunan minik avtomobillərinin sayı əvvəlki ilin göstəricisi ilə müqayisədə 6,5% azalaraq 82 434 ədəd təşkil edib.