1937-ci ildə Xalq şairi Süleyman Rüstəmin də repressiyaya göndərilməsi məsələsi gündəmə gəlir. O zamankı dövlət başçısı Mircəfər Bağırova bu barədə məlumat çatdırılır.
Onews.az-ın əməkdaşı bu dəfə “bir muştuluğun tarixi”ni araşdırıb. Həmin yazını təqdim edirik:
Bildirilir ki, artıq NKVD-dəki bəzi ermənilər şairin adını “qara siyahı”ya salıb. Mircəfər Bağırov bunu eşidən kimi NKVD-dəki siyahını tələb edir.
Süleyman Rüstəmin adı siyahıdan çıxarılır.
Qısa müddət sonra Mircəfər Bağırov Süleyman Rüstəmi yanına çağırır.
Şairin evində ağlaşma düşür.
Süleyman Rüstəmin ailə üzvləri elə bilirlər ki, onu da güllələmək üçün çağırıblar.
Süleyman Rüstəmin özü də qorxur ki, birdən onu öldürüb eləyərlər.
Bağırovun qabağında dümağ olmuş Süleyman Rüstəmi görüb sözü uzatmadan deyir:
SİTAT: “Dəmirçi oğlu, səni təbrik edirəm!”
“- Nəyə görə, yoldaş Bağırov?”
Süleyman Rüstəm təəccüblənir...
“- Sizi Qubadan Azərbaycan SSR Ali Sovetinə deputat vermişəm, öz vətənimdən...”
“...Ona görə də sizi çağırmışam ki, muştuluqlayam...”.
Hadisə şahidlərinin sözlərinə görə, bundan sonra Süleyman Rüstəmin üstündən ağır yük götürülür.
Xalq şairi Bağırovun qarşısında bircə bunu deyə bilir:
SİTAT: “- Yoldaş Bağırov, evdə elə bilirlər ki, məni həbs etmək üçün çağırmısınız...”
“...İndi bizim evdə ağlaşmadır, xahiş edirəm icazə verin evə zəng vurum”.
Anasıyla telefonla danışanda Süleyman Rüstəm hıçqırıq səsi eşidir.
Şair nə qədər edirsə, ahıl anasını sakitləşdirə bilmir.
Mircəfər Bağırov vəziyyətin ciddiliyini anlayır.
Ölkə rəhbəri telefonu Süleyman Rüstəmdən alır.
Bağırov şairin anası ilə danışır və qadını sakitləşdirir.
Süleyman Rüstəmin deputat seçilməsindən sonra onun başı üzərindən qara buludlar çəkilir.
Türkay