Bura dünyanın ən uzun sahilə malik ölkələrindəndir. Ölkənin ən inkişaf etmiş sahələrindən biri də turizmdir. Çünki burada qumarxana və fahişəxanalar leqaldır.
Üstəlik, içkili halda avtomobil idarə etmənin cəzası yoxdur.
Yəni sərxoş halda avtomobil idarə edib cəzalanmayacağınız
dünyanın yeganə dövlətidir.Hətta 2012-ci ilə qədər ölkədə yol hərəkəti qaydaları adlı anlayış da olmayıb.
Onews.az-ın əməkdaşı bu dəfə sizinlə Kosta-Rikaya səyahətə çıxacaq.
Söhbət Mərkəzi Amerikanın əsrarəngiz ölkəsi Kosta-Rikadan gedir. Ölkənin illik gəlirinin 60 faizi kənd təsərrüfatının payına düşür. Kosta-Rika deyəndə ağıla ilk gələn qəhvə, şəkər çuğunduru və banandır.
Bura kakaonun da vətəni sayılır. Mərkəzi Amerikada bu məhsulları ən çox istehsal edən ölkədir.
Ölkənin cəmi 2 qonşusu var. Obrazlı desək, Nikaraqua ilə Panamanın arasında qalıb. Paytaxtı San-Xose şəhəridir.
Burada illik temperatur 25 dərəcə selsidir.
Turistlərin ən çox səyahət etdiyi aylar dekabrdan aprelə qədərdir. Çünki bu aylarda Kosta-Rika səmasında buludlar sinələrini bağlayır. Yəni bu 5 ay ərzində ölkə yağış üzü görmür.
1502-ci ildə Kosta-Rika sahillərinə çıxan səyyah Xristofor Kolumb buranı “Zəngin sahil” adlandırmışdı.
O, inanırdı ki, bu Mərkəzi Amerika ölkəsinin zəngin qızıl ehtiyatları var. Sonradan məlum olur ki, ölkə ümumiyyətlə filiz ehtiyatları sarıdan olduqca kasıbdır.
1821-ci ildə müstəqilliyini qazanır. Dünyada ordusu olmayan 23 ölkədən biridir. Amma yarandığı gündən bu vaxta qədər ordusu olmayıb.
Çünki ölkənin təhlükəsizliyinə Birləşmiş Ştatlar cavabdehlik daşıyır. Kosta-Rikanın cəmi 5 milyon əhalisi var.
Savadlıq və xoşbəxtlik indeksinə görə, Kosta-Rika Amerika coğrafiyasında ilk onluqdadır.
Düzünü deyin, belə bir ölkədə kiminlə yaşamaq istərdiniz?!
Rauf Süleymanov