Astarada yol-nəqliyyat hadisəsi olub.

Onews.az xəbər verir ki, “Qafqazinfo”nun məlumatına görə, hadisə rayonun Züngüləş kəndində baş verib.

Belə ki, “QAZ-66” markalı yük maşını velosipedlə hərəkətdə olan rayonun Ərçivan qəsəbə sakini 2010-cu il təvəllüdlü O. N-ni vurub.

Qəzada ağır xəsarət alan yeniyetmə Lənkəran Rayon Mərkəzi Xəstəxanasına çatdırılıb və əməliyyata götürülüb.

Faktla bağlı araşdırma aparılır.