Bakının Xəzər rayonu ərazisində oğurluq edən üç nəfər saxlanılıb.

Onews.az xəbər verir ki, bu barədə Daxili İşlər Nazirliyinin Mətbuat Xidmətindən məlumat verilib.

Bildirilib ki, Xəzər rayonu Zirə qəsəbəsi ərazisində yerləşən istixanadan 5 575 manatlıq oğurluq edilməsi barədə Xəzər Rayon Polis İdarəsinin 1-ci Polis Şöbəsinə məlumat daxil olub. Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən 31 yaşlı C.Heydərli və 22 yaşlı R.Xələfov müəyyən olunaraq saxlanılıblar.

Polis əməkdaşlarının Xəzər rayonu ərazisində keçirdikləri digər tədbirlərlə isə bir neçə evdən 1 850 manat dəyərində məişət əşyaları, kompüter oğurlamaqda şübhəli bilinən 27 yaşlı A.Xudaverdiyev də müəyyən olunaraq saxlanılıb.

Hər iki faktla bağlı araşdırma aparılır.