NATO üzvü olan 32 ölkənin səfiri Şimali Atlantika Şurasının Brüsseldə keçirilən toplantısında Mark Rutteni blokun yeni baş katibi vəzifəsinə təsdiqləyib.

Onews.az xəbər verir ki, bu barədə alyansın mətbuat xidməti məlumat yayıb.

Bildirilir ki, Ruttenin bu vəzifəyə yeganə rəqibi olan Rumıniya Prezidenti Klaus İohannis keçən həftə namizədliyini geri götürdüyünü elan etdikdən sonra onun təyinatı rəsmiləşib.

Rutte 2024-cü il oktyabrın 1-dən, Stoltenberqin Alyansa rəhbərlik etdiyi on illik səlahiyyət müddəti başa çatdıqdan sonra baş katib vəzifəsinin icrasına başlayacaq.

Yens Stoltenberq Mark Rutteyə uğurlar arzulayıb və NATO-dan etibarlı əllərdə ayrıldığını qeyd edib.

Fuad