Rio de-Janeyro-nun əhalisi təqribən 6,5 milyon nəfər təşkil edir.
Bu Braziliyada San-Pauludan sonra ikinci böyük şəhərdir.
Şəhərin əsası 1 mart 1565-ci ildə qoyulur.

İlk olaraq Portuqaliya kralı I Sebastianın şərəfinə San-Sebastian de Rio-de-Janeyro adlandırılır.

Onews.az xəbər verir ki, şəhərin adının tərcüməsi isə “yanvar çayı” mənasını verir.

Düzdür, burada çay yoxdur – bu torpaqları kəşf edən dənizçilər səhv edərək körfəzi çay hesab ediblər.

1808-ci ildə Napoleon qoşunlarından qaçan Portuqaliya kralı ailəsi ilə birlikdə Rio-de-Janeyroya gəlir.
Şəhər Portuqaliya Birləşmiş Krallığının və Alqarvenin paytaxtı elan edilmişdi.

Beləliklə, Portuqaliyanın paytaxtı ölkədən minlərlə kilometr uzaqlıqda yerləşirdi.
Şəhər 1822-ci ilə qədər Portuqaliyanın paytaxtı olaraq qalır.

1921-ci ilsə Braziliyanın müstəqilliyinin yüzilliyi ərəfəsində Rioda İsa Məsihin heykəlinin inşasına başlanılır.
Heykəl 9 ildən sonra 1931-ci ildə açılır.

Onun uzunluğu 38 metrdir və 2007-ci ildə Dünyanın yeni möcüzəsi siyahısına daxil edilir.
Hazırda onun məşhurluğu Eyfel qülləsinin məşhurluğundan heç də geri qalmır.
5 mart 1979-cu ildə Rioda metro istifadəyə verilir.
Hazırda şəhər metropoliteni özündə 36 stansiyanı birləşdirir.
Burada futbol bütün Braziliyada olduğu kimi çox populyardır.

1950-ci ildə “Marakana” stadionunda Braziliya və Uruqvay-ın milli futbol komandaları arasında final oyunu keçirilib.
Bir araşdırmaya görə, Rio üzərindəki səma dünyanın ən mavi səmasıdır.
Rio de Janeyroda keçirilən karnaval dünyanın ən böyük karnavalıdır.

O, həm rəsmi iştirakçıların sayına (təxminən 2 milyon), həm də bu tədbirə gələn xarici qonaqların sayına görə birinci yerdədir.
Məşhur Braziliya samba rəqsi də məhz burada yaranıb.

Əvvəlcə bu, portuqalların plantasiyalarda işləmək üçün buraya gətirdikləri afrikalı qulların rəqsi idi.
Sonradan bütün braziliyalıların milli rəqsinə çevrilir.

Rio de Janeyro nəhəng dəniz limanı Cənubi Amerikaya idxalın üçdə birini həyata keçirir.
Bu şəhər Quanabara körfəzində tikilib.

Rio 100-dən çox adaya sahib olması ilə diqqəti özünə çəkməyi bacarır.

Cənubi Amerikanın ən qədim tramvay xətti buradadır və bu xətt 1896-cı ildən fəaliyyət göstərir.

Turan