Bildiyiniz kimi Moskvada Müstəqil Dövlətlər Birliyinin (MDB) Dövlət Başçıları Şurasının iclasında iştirak edən liderlər ənənəyə uyğun olaraq birgə foto çəkdiriblər.
Və həmin məqamda əlifba sırasının tələblərinə görə yetim Paşinyanı İlham Əliyev ilə Aleksandr Lukaşenkonun arasında yerləşdiriblər. Nikol da onların ikisinin arasında biraz da "lomka" vəziyyətinə düşüb. Çünki o, Əliyevdən çəkinir, Lukaşenkodan isə incikdir.

Yeri gəlmişkən, Qərb mediası və ekspertləri son vaxtlar qəti qərbpərəst mövqe seçən Paşinyanın indi birdən-birə Moskvaya gedişindən, Putinlə isti görüşündən və MDB liderlərinin sammitinə qatılmasından sözün əsl mənasında şok olublar.

Əksər ekspertlər Paşinyanın bu hərəkətinin Qərb liderləri tərəfindən Ermənistanın sürüşkən və etibarsız mövqeyi kimi qiymətləndiriləcəyini düşünürlər.
Bu arada, ukraynalı politoloqlar və blogerlər də Paşinyanın bu addımından narazı qalıblar. Bir neçə ay öncə Paşinyanın kəskin anti-Rusiya və anti-KTMT xarakterli bəyanatlarından az qala ekstaz vəziyyətinə düşən və Ermənistanı Ukraynanın "yaxın dost"u adlandıran ukraynalı ekspertlər bu gün Paşinyanın Moskva səfərindən ciddi şəkildə məyusluq keçiriblər.

Beləliklə, keçən ay Kiyevdə SOCAR-a qarşı nankorluq edən bəzi məhdud düşüncəli ukraynalıların, indi Ermənistan liderinin gerçək siması(zlığı)nı tanımaq və ermənilərin xarakterinə yaxından bələd olmaqları üçün, zənnimcə, kifayət qədər fürsətləri var.

Bəybala Mirzəyev

Onews.az