İlk dəfə Fələstin dövlətinin adını 1970-ci illərdə bütün dünya qanla və vəhşətlə qoşa eşidird.
27 ildən sonra alman torpağında yenidən yəhudi qanı axıdılırdı.

Əslində terakta 3 həftə qalmış Almaniya polisi xəbərdarlıq almışdı.
Amma alman hökuməti bu xəbərdarlığa əhəmiyyət verməmişdi.

Hadisələrin gedişində isə Almaniya polisi əməliyyatdakı uğursuzluğunu ört-basdır etməyə çalışırdı.
Bu vaxta qədər nə İsrail, nə Almaniya, nə də Fələstin bu barədə sirrləri, əsl həqiqətləri açıqlamayıb.
İsrail tərəfi də amansız “Qisas” əməliyyatının sirrlərini açmağa tələsmir.

Onews.az xəbər verir ki, söhbət 1972-ci ildə Almaniyada baş tutan qanlı olimpiadadan gedir.

Münhen olimpiadasının qanlı faciəyə çevrilməsinin kökündə yenə də ərəb-yəhudi nifrəti dayanırdı.
İsrail komandası ikinci dünya savaşının bitməsindən sonra ilk dəfə olimpiadalara qatılırdı.
Özü də olimpiada 6 milyon yəhudinin qətlə yetirildiyi Almaniyada yaşanırdı.
Münhenə gələnlər arasında Hitlerin əsir düşərgələrində işgəncə görən yəhudilər də vardı.

Onlar İsrail bayrağı ilə alman torpağında olimpiadalara qatılmağın qürurunu yaşayırdılar.
Almaniyaya gələn olimpiaçı nümayəndə heyəti cəmi 30 nəfərdən ibarət idi.
Onlardan cəmi 15-i medallar uğrunda yarışacaqdı.
İsrail nümayəndə heyəti elə ilk gündən təhlükəsizlik tədbirlərindən narazı qalır.
Çünki onlar özləri üçün gücləndirilmiş mühafizə halqası tələb edirdilər.
Üstəlik, mühafizənin təşkilindən narazı qalmışdılar.

Olimpiya kəndinə giriş-çıxışın sərbəst olması onların narahatlıqlarını bir qədər də artırmışdı.
Təşkilatçılar isə yəhudilərin şikayətlərinə məhəl qoymurlar.
Terrorçular qanlı əməliyyat düyməsinə 5 sentyabrda, səhər saat beşdə basırlar.
“Qara sentyabr” terror qruplaşmasının idman geyimli 8 üzvü olimpiya kəndinə daxil olurlar.
Hasarı aşmağa isə fələstinlilərə kanadalı voterbolçular kömək edirlər.
Kanadalılar onları gecə gəzməyə çıxan idmançı sanırlar.
Terrorçular İsrail komandasının qaldığı otelə daxil olurlar.
Əvvəlcə otaqdakı 6 nəfər israillinin hamısı öldürülür.
Sonra digər otaqlardakı 11 israilli idmançı girov götürülür.

Terrorçular ağır çəkili güləşçiləri də yuxuda ikən haqlayırlar və onlar da ram edilir.
Girovların hamısı sonrakı saatlarda öldürüləcəkdi...

Müqavimət göstərənlərin hamısı – ümumilikdə 12 israilli idmançı yerindəcə güllələnir.
Cəmi 3 israilli idmançı otelin pəncərələrindən çətinliklə də olsa “yoxa çıxmağı” bacarırlar.
İsrail yığmasının məşqçisi Moşe Vaynberq isə daha amansızlıqla qətlə yetirilir.
“Qara sentyabr” terror qruplaşması hadisədən cəmi 2 il əvvəl yaradılmışdı.
Hərəkatın lideri Həsən Salami Yasir Ərəfatın yaxın silahdaşlarından idi.

Onlar belə bir qətliamı gerçəkləşdirməkdə yalnız bir məqsədlərinin olduğunu dilə gətirirlər.
Terrorçular həbsdəki 234 fələstinlinin dərhal azad olunması ultimatumunu səsləndirirlər.
İsrailin baş naziri Qolden Meyer isə terrorçuların bu tələbini qətiyyətlə rədd etdiyini dilə gətirir.

SİTAT: “Güzəştə getsək, o zaman dünyanın heç bir yerində yəhudi özünü güvəndə hiss etməyəcək”...

İsrailin bütün israrlarına rəğmən olimpiya oyunları davam etdirilir.
Paralel olaraq terrorçularla aramsız danışıqlara start verilir.
Hətta Almaniyanın daxili işlər naziri Hans Henşer dövriyyəyə girir.
Deyir ki, “yəhudiləri buraxın, məni girov götürün...”.
Silahlılar bu təklifi rədd edirlər.
“Bu, bizim məsələmizdir” – deyirlər.
İsraildə anlayırlar ki, girovları sağ buraxmayacaqlar.
Terrorçular təyyarə tələb edirlər və əks halda girovların hamısını öldürəcəklərini dilə gətirirlər.
İsrarlardan sonra israilli casuslar əməliyyata qoşulurlar.
Əməliyyat planı hazırlanır və İsrailli əməliyyatçılar sadəcə köməkçi qüvvə qismində prosesə qoşulur.
İlk atəşdə 2 terrorçu məhv edilir.
5 terrorçu isə atışmanın sonrakı mərhələlərində zərərsizləşdirilir.
Əməliyyat nəticəsində 3 terrorçu sağ ələ keçir və qandallanır.
Sağ qalan terrorçu Camal əl Haşim mətbuat konfransında deyir ki, terrorçuların girov götürülməsi əslində simvolik xarakter daşıyırdı.
SİTAT: “Əslində biz hamının diqqətini Fələstin xalqının taleyinə yönəltmək istəyirdik...”.

Liviya lideri Qəddafi isə ölən terrorçuların cənazələrini Almaniyadan tələb edir.
Liviyada terrorçularla vida mərasimi keçirilir.
Cənazə törənində 30 min insan qatılır.
Hətta ölənlərin şərəfinə yayılım atəşi açılır.

Ayyarım sonra həbsdəki terrorçular da azad olunur.
Sağ qayıdanlar da Liviyada qəhrəman kimi qarşılanırlar.
Bu İsrail dövləti üçün əsl fiasko demək idi.

Amma Tel-Əviv terrorçuların izinə dərhal düşür.
Yəhudi xüsusi xidmət orqanları 20 il davam edəcək “Qisas” əməliyyatına başlayır.

Bir terrorçu istisna olmaqla “qanlı olimpiada”nın bütün təşkilatçıları 20 il ərzində məhv edilirlər.

Turan