Bu dəfə yolumuzu dünyaca məşhur alman mətbəxindən salacağıq.

Alman mətbəxinin çox zəngin və maraqlı tarixi var.
Onun kulinar ənənələri ölkənin regionlarınlardan asılı olaraq fərqlənir.

Vahid alman mətbəxi anlayışı XIX əsrin ikinci yarısında meydana çıxır.
Alman torpaqların bir bayraq altında birləşməsi ilə eyni zamanda formalaşır.

Onews.az-ın araşdırmasına görə, bu Qərbi Avropa ölkəsində kolbasa və sosiskalardan daha çox istifadə olunur.

Təkcə onu deyə bilərik ki, alman mətbəxində 1500-dən artıq sosiska və kolbasa növü vardır.

“Ayntopf” alman mətbəxinin əsas yeməklərindən sayılır.
“Ayntopf” almanac “quru şorba” anlamına gəlir.

Alman mətbəxi olduqca doyumlu, yüksək kalorili və çox ləzzətlidir.
Burada ət, xüsusilə bir çox üsüllarla bişirilən donuz əti, çox populyardır.
Statistikaya görə orta yaşlı alman il ərzində 84 kilo ət yeyir.

Yerli mətbəxin ənənəvi ət yeməkləri içərisində şnitsel xüsusi yer tutur.
Almaniyada kələmin bütün növləri çox sevilir.

Bişirilmiş, yağda qızardılmış və ya turş kələmlər süfrələrin şahı sayılır.
Təzə kələm marinada qoyulur və “Saurekraut” adlanır.
Qırmızı kələm isə alma ilə bişirilir.

Almanlar bu yeməyə “Apfelrotkohl” adını veriblər.
Onlar mərəçüyüdü də çox sevirlər.
Mərəçüyüd mövsumu apreldə başlayır və iyunda bitir.
Bu mövsum ərzində bütün restoranlar xüsusi mərəçüyüd menyularını təqdim edir.
Onların ən sevilən yeməyi isə “Karrivurst” adlanır.
Almanlar bu yeməyi o qədər sevir ki, ildə 800 milyondan artıq yeyildiyi qeyd olunur.

Bəs nədir bu belə sevilən yemək?

Tərkibi donuz əti kolbasası və köri ketçupundan ibarətdir.
“Karrivurst” alman mənşəli sosisli qəlyanaltıdır.
Buxarda bişmiş, sonra qızardılmış donuz əti kolbasası kiçik ölçülərdə kəsilir.

Köri ketçupu, ədviyyatı bol olan ketçup və ya tomat pastası əsasında hazırlanmış sous ilə qarışdırılır.
Üzərinə köri tozu və ya köri, eyni zamanda, digər ədviyyatlarla zəngin ketçup əlavə olunur.
Sonda isə isti formada təqdim edilir.

Burada hətta “karrivurst”a həsr olunan bir muzey açılmışdı.
Muzey Berlində yerləşirdi və karrivurst şərəfinə açılan ilk və yeganə muzey idi.

Bu məkan Berlin sakini Herta Heuver 1949-cu ildə karrivurstu ixtira etdikdən 60 il sonra, yəni, 15 avqust 2009-cu ildə açılmışdı.
Müştəri azlığına görə 21 dekabr 2018-ci ildə birdəfəlik bağlanır.

Bundan başqa Almaniya dünyadakı ən çox çörək növünə sahib olan ölkədir.
Çörək alman mətbəxinin əvəzedilməz və ən əsas hissəsidir.

Şəhərlərdə gəzərkən hər addımda size çörəkxana qoxuları salamlayacaq.
Almaniyada 300 növ müxtəlif dadda çörək növləri bişirilir.

Bu rəqəm hələ regionlarda olan fərqli dəyişikliklər ilə hazırlanan çörək növləri daxil olmadan sayılır.
Bundan əlavə, demək olar ki, 1200 çörək rulosu və şirniyyat növü bişirilir.

Almanlar ən çox sevdikləri çörək növləri üçün muzey də açıblar.
Ölkədə Ulm və Eberqytçen şəhərlərində iki Çörək Muzeyi var.

Banu Murad