Bu dəfə yolumuz Karib dənizi hövzəsinədir.

Ölkə Kiçik Antil adalarındakı Dominika adasında yerləşən mikrodövətdir.
Cəmi 71 min nəfər əhalisi mövcuddur.
Ümumi sahəsi Zəngilan rayonunun ərazisi qədərdir.

Bura böyük coğrafi kəşflər dövründən əvvəlki irsinin bir hissəsini hələ də saxlayır.
Kifayət qədər tipik keçmiş koloniya məmləkətlərindəndir.
Yeraltı və yerüstü zəngin ehtiyatları olsa da, əhalisi kasıbdır.

Onews.az-ın araşdırmasına görə, söhbət kiçik Karib ölkəsi sayılan Dominikayadır.

Bir çoxları bu dövləti Dominikan Respublikası ilə qarışdırırlar.
Amma hər ikisi ayrı bir cümhuriyyətdir.
Dominikada bir neçə vulkan var, amma xoşbəxtlikdən, onların hamısı “yatır”...
Dominikadakı rəsmi dil ingiliscədir.

Lakin burada çoxları fransız dilinin ləhcəsi olan Patois dilində danışırlar.
Bu ölkənin əmək qabiliyyətli hər üçüncü sakini kənd təsərrüfatı sahəsində çalışır.
Dominika adasını Kristofer Kolumb kəşf edir.

Bu gün Dominika Haiti ilə birlikdə Karib hövzəsi regionunun ən yoxsul ölkələrindəndir.
Adada ilk insanlar təxminən səkkiz min il əvvəl meydana çıxır.
Dominikada məskunlaşan ilk avropalılar isə fransız missionerləri idi.

Ölkə əhalisinin 90%-dən çoxu xristiandır.
Yerli valyuta — Şərqi Karib dollarıdır.

Bu valyuta Antiqua və Barbuda kimi bir sıra digər ölkələrdə də istifadə olunur.
Dominikada yaxşı çimərliklərin az olması səbəbindən turizm ləng sürətlə inkişaf edir.
Dominika vulkanik adadır.

Ona görə də burada həqiqətən də qumlu çimərliklər azdır.
Siz yüz min dollara Dominika vətəndaşı ola bilərsiniz.

Yerli hökumət rəsmi qaydada Dominika pasportlarını sataraq büdcəyə pul yönəldirlər.
Burada mətbəxin əsasını ət yeməkləri və müxtəlif souslar təşkil edir.
Dominikada ekoloji vəziyyət isə çox yaxşı səviyyədədir.

Burada istehlak olunan enerjinin böyük bir hissəsi günəş panellərinin payına düşür.
Dövlət geotermal qurğular və su elektrik stansiyalarından istifadə ilə enerji əldə edir.
Dominkanın havası və dənizi olduqca təmizdir.
Paytaxt Rozonun küçələri isə çirkli və baxımsızdır.

Tural Turan