30 il minlərlə insanı ədalətsiz müharibədə qətlə yetirilən, ərazisi işğalda saxlanılan, mədəni irsi darmadağın olunan və uzun illərdən sonra yenidən minlərlə şəhidin qanı hesabına torpaqlarını azad edən dövlətin vətəndaşları onun uğrunda canından keçənlərin virtual və ya canlı həyatda unutdurulmasına, haqqının tapdanmasına laqeyd qalmamalıdır.

"Novar"çılar, saxta sülh libasına bürünənlər, düşmən əsgərinin özgə torpağında ölümünə göz yaşı töküb, öz həmvətənlərinin qətlə yetirilməsinə susanlar, kosmopolitlər və bu qəbildən olan digərləri indi də min cür bəhanə ilə Füzulidən Laçınadək torpaqlarımızı işğaldan azad edərkən şəhid olmuş soydaşlarımızın vikipediadakı məqalələrinin silinməsinə haqq qazandırmağa çalışırlar.

Doğrudur, ikinci Qarabağ müharibəsinin başlaması, “Qisas əməliyyatı”, 19-20 sentyabr antiterror əməliyyatı məhz sentyabr ayında olub. Görünür, şəhidlərimiz barədə viki məqalələrin silinməsi üçün məhz bu ayın seçilməsi təsadüfi deyil. Amma şəhidlərimizlə bağlı bu cür davranışa heç bir təqvim günündə yol verilməməlidir.

Məsələ yalnız Ayxan Zayıdzadə, Cəlal Cavadov, Nəriman Məmmədli, Cavid Rəsulzadə ad, soyadlı vikipedia adminlərində deyil. Məsələ həm də budur ki, qərbli, rusiyalı, şərqli, qərbli anti-Azərbaycan dairələr ara vermədən bizə içəridən zərbə endirənlər dəstəsi yetişdirməkdə davam edir.

Bax, əsl təhlükə budur. Bəhruz Səmədov və onunla bir şəbəkədə olanlara, şəhidlərimizə hömətsizlik edən, içlərində onlara nifrtə bəsləyən nanəciblərə meydan vermək, güzəşt etmək olmaz.

Vikipedianın Azərbaycan bölməsini işğalda saxlayanlarla hesablaşmaq lazımdır. Özü də dərhal!

Elməddin Behbud