Gürcüstanlı iş adamı, "Gürcü arzusu"nun fəxri sədri Bidzina İvanişvili İsveçrənin "Julius Baer" bankına qarşı məhkəmə iddiası qaldırmağı planlaşdırır.

Onews.az xəbər verir ki, bununla bağlı hüquqşünas Laşa Kalandadze məlumat verib.

O bildirib ki, buna səbəb bankın üzərinə götürdüyü öhdəliyi yerinə yetirməməsidir.

Məlumatda qeyd olunub ki, "Julius Baer" bankı siyasi şantajla məşğuldur və "Amerika sanksiyaları"nı əsas gətirərək onların bank hesablarını bloklayıb. Bu bank, bir növ, siyasi təzyiqdə iştirak edir:

"Bidzina İvanişviliyə yaxın olan mənbələrin bildirdiyinə görə, o, artıq 10 ildir ki, "Credit Suisse" və onunla əlaqəli hüquqi şəxslərə qarşı müxtəlif yurisdiksiyalarda məhkəmə çəkişmələri aparır. Sinqapurdakı məhkəmə iddiası müvəffəqiyyətlə başa çatıb. Bermud adalarında isə birinci və ikinci instansiya məhkəmələri də Bidzina İvanişvilinin xeyrinə qərar çıxarıb, lakin işin yekun qərarı 2025-ci ilin yayında ali məhkəmədə veriləcək. İsveçrədə də bu məsələ ilə bağlı mülki işlərə başlanacaq.

Qeyd olunur ki, "Credit Suisse"in qanunsuz hərəkətlərindən sonra xilas edilmiş aktivlərin böyük hissəsi başqa İsveçrə bankına – "Julius Baer"ə köçürülüb. Buraya hec-fondlardan əldə olunan vəsaitlərin yerləşdirildiyi hesablar da daxildir.

Elgiz