İran ölkə sərhədlərinin qorunmasına 3 milyard avro ayırıb.

Onews.az xəbər verir ki, bunu İranın daxili işlər nazirinin müavini Seyid Məcid Mirəhmədi deyib.

Nazir bildirib ki, prezident İbrahim Rəisi 5 il ərzində Silahlı Qüvvələrin Baş Qərargahına 3 milyard avro vəsaitin ayrılmasına və silahlı qüvvələrin sərhədin çəkilməsi prosesinə sürətlə başlanılmasına göstəriş verib.

Məlumata görə, insan alverinin və silah qaçaqmalçılığının həyata keçirildiyi sərhədlərin və marşrutların bağlanması üçün prioritetləşdirmə aparılıb və bu prioritetlərin bir hissəsi Əfqanıstan sərhədidir.

Qeyd olunub ki, sərhədlərin bloklanması həm divarların çəkilməsi, həm də intellektual sərhəd nəzarəti sistemləri şəklində bir neçə təbəqədə həyata keçirilən hərtərəfli plandır.

Rauf
#İran #sərhəd #təhlükəsizlik