Çeçenistanın Baş naziri Müslüm Xuçiyev gözlənilməz halda istefa verdi. Ramzan Kadırov atasının adını daşıyan və potensial varisi hesab edilən oğlu Əhmədi İdman naziri təyin etdi. Baş nazir istefa verən gün isə Kremlə gedərək Vladimir Putinlə görüşdü.

Əbubəkr Yedalgiyev Putinin köməkçisi təyin edilməsi Kadırovda qorxu yaradıb. Yedalgiyevin Kadırova arası yaxşı deyil. Putin Kadırovu prezident təyin etdikdə Yedalgiyev də Baş nazir təyin edilərək daha yüksək vəzifəyə təyin edilmişdi. Ancaq ikili arasında münasibətlər kəskinləşdi.

Əbubəkr hər zaman Çeçenistan rəhbərliyinə can atırdı, Kadırov isə özünə potensial rəqib bildiyi Baş naziri sıradan çıxarmağa çalışırdı. Bu mübarizənin artıq Baş nazirin həyatına təhlükə yaratdığını görən Putin Yedalgiyevi vəzifədən azad edərək Kremlə gətirdi və Rusiya prezidentin ekoloji məsələlər üzrə müşaviri təyin etdi. Bu bir o qədər səlahiyyətli vəzifə deyildi. Ancaq Putin sonuncu dəyişlik zamanı Kadırovun düşmənini özünə köməkçi təyin etdi və federal subyektlərə nəzarəti ona hevalə etdi.

Ağır xəstə olduğu deyilən və yerini varisinə təhvil vermək istəyən Kadırov üçün bu çox pis xəbər oldu. Müslüm Xuçiyev olduqca bacarıqlı fiqurdur. Onun dövründə Qroznın tikinti infraksturu xeyli inkişaf edib, ölkədə aqrar təsərrüfat canlanıb. Baş nazir özü bölgələrə gedərək insanlarla görüşür, problemlərin həlli ilə bağlı mərkəzi hökumətin qarşında tələblər qaldırırdı. Xuçiyev bu yaxınlarda Moskvaya səfər etmişdi. Ola bilsin ki, səfər zamanı sələfi Yedalgiyevlə görüş keçirib.

Əgər Yedalgiyevdən dəstək görsə Müslüm Xuçiyev rahat şəkildə Çeçenistanın yeni rəhbəri ola bilərdi. Hazırda Çeçenistan federasiya büdcəsinə çox ağır yükdür və Putin bu yükdən qurtulmaq üçün bacarıqlı iqdisadiyyatçıya önəm verən bilər. Buna görə narahat Kadırov dərhal uğurlu Baş naziri sıradan çıxardı, varis kimi gördüyü oğlunu nazir təyin etdi və özü də Kremlə gedərək Putinlə görüşdü. Ehtimal ki, səfər zamanı Kadırov Putindən varis məsələsi barəsində razılıq almaq istəyib.

Zeynal Əmrəliyev
Siyasi ekspert
Onews.az