Onun atası Azərbaycan taxt-tacının varisi idi.

Özü isə çar ordusunun generalı kimi Qafqazda məşhurlaşmışdı.
Oğlu Əkbər Mirzə İran diplomatı kimi bir sıra uğurlara imza atmışdı.
Digər oğlu Fətəli Mirzə isə rus çar ordusunun podpolkovniki idi.

Onews.az xəbər verir ki, söhbət Azərbaycan generalı Rzaqulu mirzə Qovanlı-Qacardan gedir.

Rzaqulu mirzə Bəhmən mirzə oğlu 1837-ci ildə Təbriz şəhərində anadan olur.
Rzaqulu ailə təlim-tərbiyəsi, təhsili almışdı.

Rus ordusunda xidmət etmişdi.

Xidmətə Qafqaz eskadronunun leyb-qvardiyasında kornet kimi başlamışdı.
Rzaqulu mirzənin Əkbər mirzə Qovanlı-Qacar, Fətəli mirzə Qovanlı-Qacar adlı oğulları, Dilşad xanım adlı qızı vardı.

Rzaqulu mirzə 1862-ci il döyüşlərində rəşadətinə görə təltif olunmuşdu.
Eyni zamanda, 1864-cü il dağlılar əleyhinə yürüşdə iştirak etmişdi.

Azərbaycanlı general 1874-cü ildə Sırdərya yürüşünün iştirakçıları arasında idi.
1877–1878-ci illər rus-osmanlı savaşında dəstəsinin başında döyüşmüşdü.

Rzaqulu mirzə Rusiyanın bir çox orden-medallarını almışdı.
1873-cü ildə “Ali Tac Ordeni”nə layiq görülmüşdü.

Fransanın "Maarif qarşısındakı xidmətlərinə görə" ordenini almışdı.
Rzaqulu mirzə 1883-cü ildə general-mayor rütbəsinədə ehtiyata buraxılmışdı.

General Qovanlı-Qacar 1894-cü ildə vəfat edir.

Tural Turan