Şərqi Zəngəzur Regional Mədəniyyət İdarəsinə tabeli Qubadlı rayon Mərkəzləşdirilmiş Kitabxana Sistemində "Zirvəyə gedən yol" adlı dəyirmi masada şair-publisist Mürvət Qədimoğlu Həkəri ilə görüş keçirilib.

Onews.az xəbər verir ki, Qubadlı rayon MKS-nin direktor vəzifəsini icra edən Qərənfil Hüseynova tədbiri açıq elan edib, qonaqlara, tədbir iştirakçılarına öz təşəkkürünü bildirib.
Sonra vətənin azadlığı uğruna canlarını fəda etmiş şəhidlərin ruhu bir dəqiqəlik sükutla yad edilib.

Daha sonra isə kitabxananın metodisti Nərminə Əsgərova şairin həyat və yaradıcılığından bəhs edən nitq söyləyib.

Xidmət şöbəsinin müdiri Akifə Sərməsovanın moderatorluğu ilə baş tutan tədbirdə şairin qələm yoldaşları Firdovsi Cəfərxan, Asif Talıb, Çingiz Salmanov, Eldar Xanlaroğlu, Ədalət Nicat, Elburus Qayalı, Solmaz Cahangirov, Qaratel Azəri və başqaları iştirak edib.
Görüş zamanı S. Rəhimov adına Mahruzlu kənd tam orta məktəbin şagirdləri şairin şeirlərindən söyləyib.

Elgiz