16 milyonluq mənimsəmədə ittiham olunan “SOCAR-AQŞ” MMC-nin sabiq baş direktoru Ramin İsayevin cinayət işi üzrə ibtidai istintaq başa çatıb.

Onews.az-ın əldə etdiyi məlumata görə, 11 ay davam edən araşdırma bu günlərdə tamamlanıb.

R.İsayevə Cinayət Məcəlləsinin 179.4-cü (mənimsəmə-xüsusilə külli miqdarda törədildikdə) maddəsi ilə yanaşı, 193-1.3.2 (cinayət yolu ilə əldə edilmiş pul vəsaitlərini leqallaşdırma) maddəsi ilə də əlavə ittiham verilib.

Məlumatı Ramin İsayevin vəkili Ceyhun Yusifov saytımıza təsdiqləyib.

C.Yusifov deyib ki, müvəkkili verilmiş ittihamlara münasibətdə özünü təqsirli bilmir. Hesab edirik ki, Ramin İsayev təqsirsizdir, müdafiə tərəfindən də ittihamın əksinə toplanmış dəlil və sübutlar məhkəmə istintaqı dövründə ortaya qoyulacaq. İş yaxın günlərdə Bakı Ağır Cinayətlər Məhkəməsinə göndəriləcək.