Sizin reklam burada
Narazılıq yaradan nişanlanma xətlərində dəyişiklik edildi
Azərbaycan Yerüstü Nəqliyyat Agentliyi (AYNA) tərəfindən Bakının Xətai rayonu Xocalı prospektində nişanlanmalar sürücülərdə narazılıq yaradıb. Belə ki, yolun sol xətti velosiped, sağ xətti isə avtobus üçün ayrılıb. Bu da hərəkətin intensivliyinə təsir göstərib. Bundan başqa parklanma yerinə keçmək üçün sürücülər avtobus zolağına daxil olmalıdır ki, bu da cərimələnmələrə səbəb olurdu.
Onews.az xəbər verir ki, AYNA-dan "APA-Economics"in sorğusuna cavab olaraq bildirilib ki, Xocalı prospektində nişanlanmalar yenidən təşkil edilib. Velosiped zolağı və parklanma yerləri saxlanılaraq avtomobillərin hərəkəti üçün zolaqların sayı 2-yə çatdırılıb. Parklanma yerlərinə giriş-çıxış üçün zolaqda yerlər də ayrılıb.
