O, dostu Pol Qoqenlə mübahisəsindən sonra ağır depressiya keçirərək özünə xəsarət yetirmişdi.
Ağrının kəskinliyinə baxmayaraq, öz qulağını kəsmişdi.

Qulağını kəsən rəssam sonralar bu halını avtoportretə köçürmüşdü.
Amma güzgü effektini unudub səhvə yol vermişdi.

Əslində sol qulağını kəsən rəssam güzgüyə baxaraq rəsm əsərində sol qulağını deyil, sağ qulağını sarğılı vəziyyətdə çəkir.

Onews.az xəbər verir ki, söhbət Niderland postimpressionist rəssamı dahi Vaq Qoqdan gedir.

Tam adı Vinsent Villem van Qoqdur.
O, 20 mart 1853-cü ildə Şimali Brabantda doğulur.
Orta zadəgan təbəqəsinə mənsub bir ailədə dünyaya gəlir.
Vinsent ciddi, sakit və düşüncəli bir uşaq idi.

Uşaqlığında şəkil çəkməklə məşğul olan Vinsent gənclik illərində tez-tez səyahət edirdi.

İncəsənət dileri kimi fəaliyyət göstərdi.
Londona transfer olunduqdan sonra depressiyaya düşür.
Daha sonra, dinə üz tutur.
Bir müddət Cənubi Belçikada vaxtını protestant missioner olaraq keçirir.
Xəstə və tənha Vinsent 1881-ci ildə rəssamlığa maraq salmazdan əvvəl evinə, valideynlərinin yanına gətirilir.

Gənc qardaşı Teo ona maddi baxımdan yardım göstərir.
1886-cı ildə Parisə köçür və küçə rəssamlığının sirlərinə dərindən yiyələnir.
Getdikcə özünü inkişaf etdirən Van Qoq artıq natürmort və peyzaj çəkərkən onlara yeni baxış bucağından yanaşırdı.

Bu müddət ərzində zeytun ağacları, və günəbaxanların təsvir olunduğu çoxlu rəsm əsəri yaradaraq yaradıcılığının mövzusunu daha da genişləndirdi.
Van Qoq ölümündən sonra qərb incəsənət tarixinin ən görkəmli simalarından birinə çevrilir.
Amma həyatda olduğu zaman yalnız 1 əsəri satılmışdı.
Rəssamın 10 il ərzində yaratdığı təxminən 2100 sənət əsərinə peyzaj, natürmort, portret və avtoportretlər daxildir.

Rəsm dahisi 860 yağlı boya rəsminin əksəriyyətini ömrünün son iki ilində çəkir.
O, aydın rəng çalarlarından və incə fırçadan özünəməxsus istifadə tərzi ilə istifadə edirdi.
Psixotik epizod və deluziyalardan əziyyət çəkən Vinsent ruhi sağlamlığına görə narahat olurdu.
Amma fiziki sağlamlığına heç vaxt fikir vermirdi.

Düzgün qidalanmır və tez-tez spirtli içkləridən istifadə edirdi.
Sol qulağının bir hissəsini kəsmiş Vinsentin əlində ülgüclə gördükdən sonra Pol Qogenin onunla olan dostluğu sona çatır.

O, Sen-Remidə yaşadığı period da daxil olmaqla, bir müddət ruhi xəstəxanalarda yatır.
Daha sonra, Paris yaxınlığındakı Over-syür-Uaza köçdü və homeopatik həkim Pol Qaşe onun qayğısına qalır.
Hələ də depressiyadan əziyyət çəkən Vinsent 1890-cı il 27 iyulda Lefoşe markalı tapança ilə özünü sinəsindən güllələyir.

Yaralı halda olan rəssam iki gün sonra vəfat edir.
Onun fırçasından çıxanlar müasir incəsənətin təməl daşları hesab olunur.
Bütün bunlara baxmayaraq, rəssam həyatı boyunca daim maddi çətinlik içində yaşayır.

Uzun illər ruhi xəstəlik, depressiya və yoxsulluqdan əziyyət çəkir.
Nəhayət, aclıq və səfalət içərisində keçən 37 illik ömrünü yarımçıq başa vurur.

Tural Turan