Ermənistan ordusunun aparıcı hərbçilərinin, xüsusən də generallarının bir çoxu Azərbaycanda doğulublar.

Buna baxmayaraq, onlar da öz əcdadları kimi Azərbaycan torpağının havasına, suyuna, çörəyinə xilaf çıxaraq naxələflik ediblər.

Onews.az ölkəmizdə boya-başa çatan həmin generallar Azərbaycan torpaqlarının işğalı zamanı xalqımıza qarşı xüsusi amansızlıqları ilə seçiliblər.

General-polkovnik Mikael Arutyunyan – 1946-cı ildə Şamaxının Günəşli kəndində doğulub, 2007-2008-ci illərdə Ermənistanın müdafiə naziri olub.

General-polkovnik Seyran Ohanyan – 1962-ci ildə Şuşada dünyaya göz açıb, daha sonra Bakıdakı Ali Hərbi Komandirlər Məktəbində təhsil alıb.

1992-ci ildə baş verən Xocalı, Qaradağlı, Ballıqaya soyqırımlarının əsas təşkilatçılarındandır.

Qarabağ döyüşlərində bir ayağını itirən Seyran Ohaniyan da Ermənistanın müdafiə naziri kimi uzun müddət fəaliyyət göstərib.

Sovet İttifaqı marşalı Hovannes Baqramyan isə Şəmkirin Çənlibel kəndində dünyaya gəlib.

General Hamazasp Babacanyan da Şəmkirin Çənlibel kəndində doğulub və Sovet İttifaqı Qəhrəmanı adına layiq görülüb.

Babacanyan həmkəndlisi Baqramyan kimi sovet ordusunda azərbaycanlı zabitlərin önündə “polad maneə” yaratmaqla ad çıxarıb.

Azərbaycan Ordusunun 2020-ci ilin payızındakı şanlı qələbəsi doğulduğu ölkənin çörəyinə naxələflik edən erməni generalların bütün "əməklərini" yerə vurdu.

Tural Turan