Qədirova Şəfiqə
Yeni Azərbaycan Partiyası Nərimanov Rayon Təşkilatının gənc fəalı

Azərbaycan Respublikasının Prezidenti cənab İlham Əliyevin dəvəti ilə Slovakiya Respublikasının Prezidenti Peter Pelleqrininin ölkəmizə rəsmi səfəri iki dövlət arasında dostluq münasibətlərinin və qarşılıqlı faydalı əməkdaşlığın inkişafı baxımından mühüm əhəmiyyət daşıyır. Prezidentlərin rəsmi qarşılanma mərasimi və keçirilən görüşlər ölkələrimiz arasında siyasi dialoqun yüksək səviyyədə olduğunu, əməkdaşlığın daha da genişləndirilməsi istiqamətində qarşılıqlı iradənin mövcudluğunu bir daha nümayiş etdirir.
Azərbaycanın son illərdə həyata keçirdiyi uğurlu xarici siyasət nəticəsində ölkəmiz beynəlxalq münasibətlər sistemində etibarlı tərəfdaş kimi tanınır. Prezident İlham Əliyevin rəhbərliyi ilə yürüdülən praqmatik və milli maraqlara əsaslanan siyasət Azərbaycanın müxtəlif dövlətlərlə, o cümlədən Avropa ölkələri ilə əlaqələrinin dinamik inkişafına mühüm töhfə verir.
Slovakiya Prezidentinin Azərbaycana səfəri çərçivəsində keçirilən görüşlərdə siyasi əlaqələrlə yanaşı, iqtisadiyyat, energetika, nəqliyyat, ticarət, investisiya, humanitar və digər sahələrdə əməkdaşlığın genişləndirilməsi məsələləri müzakirə olunub. Bu istiqamətlər üzrə əməkdaşlığın inkişafı hər iki ölkənin maraqlarına xidmət etməklə yanaşı, regional və beynəlxalq əməkdaşlığın möhkəmlənməsinə də töhfə verir.
Mənim fikrimcə, Prezident İlham Əliyevin həyata keçirdiyi ardıcıl və uzaqgörən siyasətin nəticəsidir ki, bu gün Azərbaycan beynəlxalq aləmdə etibarlı tərəfdaş, sözünə və öhdəliklərinə sadiq dövlət kimi böyük nüfuz qazanıb. Dünyanın müxtəlif ölkələrinin dövlət və hökumət başçılarının Azərbaycana səfərləri, ölkəmizdə keçirilən yüksək səviyyəli görüşlər və beynəlxalq tədbirlər Azərbaycanın artan siyasi və iqtisadi çəkisinin aydın göstəricisidir.
Hesab edirəm ki, Slovakiya Respublikasının Prezidenti Peter Pelleqrininin Azərbaycana rəsmi səfəri də ikitərəfli münasibətlərin inkişafına yeni dinamika qazandıracaq. Bu səfər qarşılıqlı etimadın daha da möhkəmlənməsinə, yeni layihələrin həyata keçirilməsinə və əməkdaşlığın müxtəlif istiqamətlər üzrə genişlənməsinə əlverişli zəmin yaradır.
Bu gün Azərbaycan Prezident İlham Əliyevin rəhbərliyi ilə müstəqil, balanslaşdırılmış və milli maraqlara söykənən xarici siyasət kursunu uğurla davam etdirir. İnanıram ki, ölkəmizin dost və tərəfdaş dövlətlərlə əlaqələri bundan sonra da yüksələn xətt üzrə inkişaf edəcək, qarşılıqlı hörmət və etimada əsaslanan əməkdaşlıq həm regionda, həm də beynəlxalq müstəvidə sülhə, sabitliyə və rifaha mühüm töhfələr verəcəkdir.