Azərbaycan Rusiya ilə bağlarını kəsməyə başlayır. 2025-ci il başlanğıc ili olacaq.

Onu da vurğulayım ki, 200 illik bağları qoparmaq bir-iki ilin işi deyil.

Rəsmi Bakı qütbü və istiqamət oxlarını Qərbə doğru dəyişməyi də düşünmür.

Çox güman ki, Bakı Ankara ilə birlikdə öz çətirini, dəyəsini quracaq.

Yeni dünya düzənində Bakı və Ankara milli dövlətçiliyin, milli kimliyin varlığını sürdürmək üçün regionun yeni qütbünü formalaşdırmaq yolunu tutub.

Bu, Turan Birliyi, Türk Dövlətləri Təşkilatı çadırı, qütbüdür.

Gələn ildən Bakı və Ankara Daşkəndi, Bişkeki, Astananı, Aşqabad və Lefkoşanı da prosesə cəlb etmək üçün resurslarını çırmalayacaq.

Beləliklə, Azərbaycan və Türkiyə TDT çətiri ilə KTMT-nin imkanlarını da məhdudlaşdırmağa çalışacaq.

Budapeştlə iqtisadi-mədəni əlaqələr fərqli müstəviyə ayaq basacaq.

Bir daha deyirəm, gələn il Azərbaycanın və Türküstan regionunun (Orta Asiyanın) Rusiyadan qopmasının əsası qoyulacaq.

İndi mübarizə daha çətindir. Qərb, yoxsa Kreml sualı yoxdur.

Üçüncü qütb qiyafəsində Turan qütbü kartpaylayıcı, oyunqurucu tərəf kimi "olum ya ölüm" savaşına atılırıq.

Savaşımız qutlu olsun!

Tural Turan
Onews.az