Bura Qotik memarlığının dünya paytaxtı sayılır.
Əsrlər boyu tarixi görkəmini qoruyub saxlaya bilib.

Küçələrindən avtomobilləri və reklamları yığışdırsanız, özünüzdə 10-12 əsr keçmişdə hiss edəcəksiniz.
Bir çox insan kulinariya təcrübələri üçün də buraya gəlir.

Çünki bu şəhər ləzzətli milli mətbəxi olan çoxlu sayda kafe və restoranları ilə məşhurdur.

Onews.az xəbər verir ki, söhbət təkcə Çexiyanın deyil, Mərkəzi Avropanın da paytaxtı sayılan Praqadan gedir.
Çexiyanın paytaxtının yaşı təxminən 1150 ildir.

Daha dəqiq desək, miladi 880-ci ildə əsası qoyulub.
Praqa qalası dünyanın ən böyük qalasıdır.
Turistlər Praqanı qüllələr şəhəri adlandırırlar.

Təkcə bu kiçik şəhərdə minə yaxın tarixi qüllənin olduğu bildirilir.
Gələn turist cütlüklərin təxminən 40 faizi məhz bu şəhərdə evlənirlər.
Əfsanəvi Faustun əsrarəngiz evi də Praqada yerləşir.

Əfsanəyə görə, nadir memarlıq nümunəsi şeytanla müqavilə bağlayan, öz ruhunun müqabilində bilik əldə edən bir həkimə məxsus idi.
Çexiyanın paytaxtı Avropa şəhərləri arasında turistlərin gəlişinə görə dördüncü yeri tutur.
Yalnız Roma, Barselona və Parisdən gedir qalır.
Müqəddəs Vitus Katedralı Praqanın ən qeyri-adi tikililərindən biridir.
Katedralın tikintisi 500 ildən çox çəkib.

Praqanın ən maraqlı yerlərindən biri də “Rəqs Evi”dir.
Memarın təxəyyülü ilə bütün fizika qanunlarına qarşı qəribə şəkildə əyilmiş iki qüllədən ibarət kompleksdir.
Onlar rəqs edən cütlüyü simvollaşdırırlar.

Praqada şəhərin görkəmini pozmamaq üçün klassik taxta pəncərələr əvəzinə metal-plastik pəncərələr quraşdırmaq qadağandır.
Buradakı bəzi evlər arasındakı keçidin eni təxminən 70-80 sm-dir.
Svetoforlar yollarda avtomobillərin hərəkətini tənzimləmək üçün deyil, piyadaların gediş-gəlişini koordinasiya etmək üçün quraşdırılır.
Dünyada ən qədim şüşə fabriki Praqada yerləşir.

O, hələ 1414-cü ildə tikilib və indiyədək birbaşa funksiyalarını yerinə yetirir.
Praqada Yan Zizkanın şərəfinə ucaldılmış bürünc abidə dünyanın ən hündür atlı heykəli hesab olunur.
Adolf Hitler Praqanı görəndə onun gözəlliyinə o qədər heyran olub ki, söz tapa bilmir.

O, şəhərin gözəlliyinin sehrinə düşərək İkinci Dünya Müharibəsi zamanı bu şəhəri bombalamağı qadağan edir.
Praqada köhnə evlərin damında peyk antenası yoxdur – onları quraşdırmaq qadağandır.
Bu, köhnə şəhərin görünüşünü korlayır.

“Náměstí Míru” Avropa İttifaqının ən dərin metro stansiyasıdır.
O, 53 metr dərinlikdə yerləşir və onu səthlə birləşdirən eskalatorun uzunluğu 87 metrdir.
Praqa Teleqülləsi (Zizkov Teleqülləsi) Praqanın ən hündür binasıdır.

Qüllə bütün Çexiya Respublikasını əhatə edir və tez-tez “şəhərin ən çirkin nişanı” adına layiq görülür.
Praqada qadınlar kişilərdən 2,5 dəfə çox kitabxanalara baş çəkirlər.
Buradakı ən kiçik evin eni cəmi 2,25 metrdir.

Turan